Aziz yurtdoshlar! Qadrli universitet jamoasi!Bugun barchamiz o‘tgan ajdodlarimizning azaliy orzusi, yuragidagi ezgu maqsadi bo‘lgan Mustaqilligimizning o`ttiz yilligi bayramini yuksak g‘urur va iftixor bilan keng nishonlayapmiz. Ayniqsa, joriy yil ushbu shodiyonaning “Yangi O'zbekistonda erkin va farovon yashaylik!” ezgu g‘oyasi ostida o‘tkazilayotganligi buguni kechasidan go`zal yurtimizda yashovchi har bir vatandoshimizga cheksiz quvonch bag‘ishlaydi. Shu fursatdan foydalanib, eng ulug‘ va eng aziz ayyomni katta xursandchilik hamda ulkan ijodiy zafarlar bilan qarshi olayotgan butun universitetimiz jamoasini, O‘zbekiston xalqini — Istiqlolimizning qutlug‘ o`ttiz yillik bayrami bilan chin qalbimdan muborakbod etaman.Mustaqillik yo`li – g`oyatda ibratli, bu kunlarga erishish uchun qanchadan-qancha ziyoli, vatanparvar insonlar shahid bo`lganini eslab, ularni xotirlash, ayni kun uchun shukrona aytish barobarida O`zbekistonning davlat mustaqilligini, tinch va osuda hayotimizni, mamlakatimizning jahon hamjamiyatidagi o`rnini saqlash va rivoj toptirish har birimizning fuqarolik burchimizdir. Alloh tomonidan berilgan buyuk va bebaho ne‘mat – hurlik tantanasi bo`lgan kunning milliy taraqqiyotimiz, bugungi va kelgusi avlodlar taqdiri, kelajagi uchun beqiyos ahamiyati yillar o‘tishi bilan tobora ortib bormoqda. Har on, har soatda “chayqalib turgan” jahon hayotidan ibrat olib, betakror Vatanimiz – O`zbekistonimizning ravnaqi yo‘lida sadoqat bilan xizmat qilishdan hech qachon tolmaylik! Barchamizga, jonajon yurtimizning kamolini, unda yashovchi ko`p millatli bebaho xalqning mamnuniyatini, farzandlarimiz va nabiralarimizning baxt-u iqboli, buguni va yorqin ertasini ko‘rish nasib etsin! O‘zbekistonimiz doimo gullab-yashnasin! Mustaqillik shodiyonalari muborak bo‘lsin.Mustaqilligimiz abadiy bo‘lsin!Buxoro davlat universiteti rektori O.X. Xamidov
