Buxoro davlat universiteti magistrlari tomonidan dissertatsiya himoyalari davom etmoqda. Ushbu o‘quv yilida jami 23 mutaxassislik bo‘yicha jami 248 dan ortiq magistrantlar bitirmoqda.Tasdiqlangan jadval asosida 5А120101- Lingvistika (o’zbek tili), 5А230102 – Iqtisodiyot (tarmoqlar va sohalar bo’yicha), 5А120304 – Tarixshunoslik, manbashunoslik va tarixiy tadqiqot usullari (mamlakatlar bo’yicha), 5А111701- Ta’lim va tarbiya nazariyasi va metodikasi (boshlang’ich ta’lim), 5А141001- Tuproqshunoslik ( tadqiqot turlari bo’yicha) 21 nafar magistrlarining magistrlik dissertatsiya ishi himoyalari ko’rib chiqildi. MD himoyalarini BuxDU rektori, professor O.X.Xamidov ochib berib, magistrantlarga omad tiladilar. MD himoyalarida barcha mutaxassisliklarning DAK raislari va a’zolari, universitet o'quv ishlari bo'yicha prorektor M.I.Daminov, ilmiy ishlar va innovatsiyalar bo'yicha prorektor O.S.Qahhorov, magistratura bo'limi bo'shligi A.A.To'rayev, bitiruvchilarning ilmiy rahbarlari ishtirok etishdi.Ma’lumot o`rnida aytish kerakki, bugungi kunda nafaqat Buxoroda, balki Respublika miqyosida Buxoro davlat universiteti bitiruvchi magistrantlariga kadr sifatida talab katta. Magistrantlarning ko`pchiligi allaqachon borar manzilini tanlagan. Aksariyat bitiruvchilar ilmiy ishlarini davom ettirish uchun bel bog`lagan.– Respublikamizda alohida mavqega ega bo`lgan Buxoro ilmiy maktabi davomchilari sifatida magistrlik darajasini olish ostonasida turganingiz bilan chin dildan tabriklayman, - dedi Buxoro davlat universiteti rektori O.X.Xamidov. – Qarshingizda mashaqqatli shu bilan birga porloq va zafarli yo`1 turibdi. Jamiyatda har biringizning o`rningiz bo`lak. Ishonamanki, Buxoroyi sharifning yuzi, munosib vorislari bo`lib O`zbekistonning ilm salohiyatini ko`tarasiz. Bu borada professor-ustozlaringizdan olgan ta’limingiz yo`lingizni yoritadigan mayoq bo`lishga shubha yo`q.Bugun men 6 yil davomida ta’lim bergan ustozlarim qarshisida 2 yillik ilmiy izlanishlarim natijasini himoya qildim. “Lison ut tayr” dostonida tasavvufiy tushunchalarning ifodalanishi” mavzusidagi dissertatsiya ishim filologiya fanlari doktori H.P.Eshonqulov rahbarligida olib borildi. Garchi mavzu mumtoz adabiyotga tegishli bo`lsa-da, bu dostondagi tasavvufiy tushunchalarga bugungi kunda nechog`lik ehtiyojmand ekanligimizni davrning qiyofasidan anglash mumkin, – deydi Adabiyotshunoslik (o`zbek) bitiruvchisi Shaxlo Sadullayeva taassurotlarini o`rtoqlashish asnosida.– Adabiyotsiz millat taraqqiyotini tasavvur etish qiyin. Chunki kelajakni ma’naviyatsiz barpo etib bo`lmaydi. Adabiyot sohasini tanlashim boisi shundan. Nasib qilsa, ilmiy ishimni kengaytirish, bugungi kunning zabardast ijodkori Ulug`bek Hamdam ijodining tadqiqiga chuqurroq sho`ng`ish niyatidaman. Ikki yil davomida o`z ilmini ayamagan ustozlarimga tashakkur aytaman, – dedi Adabiyotshunoslik yo`nalishi bitiruvchisi Toyir Jomardov himoyadan so`nggi jarayon chog`ida.Yuqori saviyada, ko`tarinki ruhda o`tayotgan magistrlik dissertatsiyalari himoyasi, bahs-munozaralarga, savol-javoblarga boy, har yilgidan boshqacha o`tmoqda. BuxDU Matbuot xizmati