11.01.2022

O‘zbekiston Respublikasi Vazirlar Mahkamasining 2021 yil 17 sentyabrdagi “Test tizimini takomillashtirishga qaratilgan qo‘shimcha chora-tadbirlar to‘g‘risida” 562-sonli qarori, O‘zbekiston Respublikasi Oliy va o‘rta maxsus ta’lim vazirligining 2021 yil 12 yanvardagi 87-03-154 sonli hamda O‘zbekiston Respublikasi Vazirlar Mahkamasi huzuridagi Davlat test markazining 2021 yil 4 yanvardagi 84-01-07 sonli xatlari asosida universitetda fan o‘qituvchilari tomonidan tuziladigan nazorat testlarini sifatini oshirish maqsadida Davlat test markazi Ilmiy-o‘quv amaliy markazi tomonidan Buxoro davlat universitetida “Bilimlarni baholash tizimlarini ishlab chiqish nazariyasi va amaliyoti” bo‘yicha 2021 yil 1-7 aprel kunlari 36 soatga mo‘ljallangan malaka oshirish tashkil etildi. Malaka oshirish kursida har bir kafedradan bir nafardan, jami 38 nafar professor-o‘qituvchi ishtirok etdi. 2021 yil 14 aprel kuni testologiya bo‘yicha yetarli bilimlarni o‘zlashtirgan professor-o‘qituvchilarga sertifikatlar berildi.BuxDU Matbuot xizmati