11-mart kuni universitetimiz hamkorlik aloqalarini o‘rnatayotgan Ural davlat iqtisodiyot universiteti vakillari bilan onlayn uchrashuv bo‘lib o‘tdi. Uchrashuvda xalqaro hamkorlik bo‘yicha prorektor A.Jo‘rayev, xalqaro hamkorlik bo‘limi boshlig‘i M.Qilichov, Iqtisodiyot va turizm fakulteti dekani D.Yavmutov, UrDIU tomonidan esa ijtimoiy ishlar bo‘yicha prorektor R.Krasnov, qo‘shimcha ta’lim va kasbga yo‘naltirish bo‘yicha prorektor Yelena Knyazeva, Magistratura instituti direktori A.Matveyeva, Uzluksiz va masofaviy ta’lim instituti direktori Ye.Yalunina, xalqaro hamkorlik bo‘yicha mutaxassis Ye.Ovchinnikovalar ishtirok etishdi.UrDIU prorektori Roman Krasnov universitet haqida asosiy ma’lumotlar berib o‘tdi, shuningdek, bakalavriat va magistr darajalari uchun mavjud bo‘lgan yo‘nalishlar bilan tanishtirdi. Ma’lum qilinishicha, UrDIUda xalqaro hamkorlikka, xususan, O‘zbekiston bilan aloqalarni rivojlantirishga alohida e’tibor qaratiladi. Bugungi kunda UrDIUning O‘zbekiston oliy ta’lim muassasalari bilan 8 ta hamkorlik shartnomasi amal qilmoqda.Prorektor R.Krasnov “Bugungi kunda bizning universitetimizda dunyoning 60 mamlakatidan kelgan 1700 dan ortiq chet ellik talabalar tahsil olmoqda. Biz iqtisodiy ta’limning asosiy yo‘nalishlari - korxona va tashkilotlar iqtisodiyoti, moliya va huquq, marketing, menejment, AKT, servis, turizm va oziq-ovqat texnologiyalari kabilarni qamrab olamiz. UrDIU tarkibida talabalarimiz amaliy mashg‘ulotlar o‘tadigan 11 ta laboratoriya mavjud. Ta’lim yo‘nalishlarimiz mos ekanligi hamkorlik uchun qulay muhit yaratadi, biz barcha ko‘rinishdagi hamkorlik munosabatlarini yo‘lga qo‘yishga tayyormiz” deb ta’kidlab o‘tdi.Prorektor A.Jo‘rayev o‘z navbatida universitet haqida ma’lumotlar bilan tanishtirib, “Biz har doim iqtisodiy yo‘nalishdagi universitetlar bilan hamkorlik qilishdan mamnunmiz, chunki aynan iqtisodiyot sohasi xalqaro munosabatlarning drayveri hisoblanadi. UrDIU bilan talaba va o‘qituvchilar almashinuvi dasturlarida, qo‘shma dasturlar yo‘nalishida, hamkorlikda ilmiy ishlar olib borishda, xalqaro grant tanlovlarida birga ishtirok etishdan manfaatdormiz” deb o‘tdi.Tomonlar hamkorlik shartnomasi loyihasiga ilova sifatida kiritiladigan yillik tadbirlar bo‘yicha yo‘l xaritasini tuzishga kelishib oldilar.R.Krasnov BuxDU bilan hamkorlik shartnomasini Yevroosiyo iqtisodiy forumi doirasida, faxriy mehmonlar ishtirokida tantanali ravishda imzolashni taklif qildi. Mazkur taklif BuxDU tomonidan qo‘llab-quvvatlandi.Ural davlat iqtisodiyot universiteti bilan quyidagi rasmiy saytda tanishish mumkin: https://www.usue.ruBuxDU Xalqaro hamkorlik bo'limi
