O‘zbekiston Respublikasi Mudofaa vazirligi tomonidan Ikkinchi jahon urushida qozonilgan g‘alabaning 76 yilligini keng miqyosda nishonlash maqsadida “G‘alaba bog‘i” yodgorlik majmuasi tarkibidagi “Shon -sharaf” davlat muzeyida 9-may “Xotira va qadrlash kuni” munosabati bilan O‘zbekiston xalqining Ikkinchi jahon urushidagi, sabr-matonati, mardligi, vatanparvarligini tarannum etuvchi “Urush xotiralarida” ijodiy ishlar ko‘rik-tanlovi o‘tkaziladi. Tanlovda universitet talabalari va professor-o‘qituvchilari ishtirok etishi mumkin.Tanlov ijodning quyidagi 9ta yo‘nalishlarda o‘tkaziladi:-rangtasvir, rassomchilik, grafika, haykaltaroshlik, -xalq amaliy san’ati,-bayon, insho, esse, hikoyalar.Tanlovda 1ta-Gran-pri, 1ta –I o‘rin, 2ta –II o‘rin, 3ta – III o‘rin, 10ta rag‘batlantiruvchi mukofotlar belgilangan: Granpri – 55 dyuymli televizor; 1 o‘rin – 49 dyuymli televizor II o‘rin noutbuk; III o‘rin – planshet.Tanlovda ishtirok etish istagini bildirgan ijodkor yoshlar o‘rtasida 2021 yil 2 aprelidan 2 mayga qadar tanlovning tashkiliy qo‘mitasi tomonidan tashkil etiladi.Ishtirokchilar va taqdim etilgan ishlarning soni cheklangan. Bitta ishtirokchi tanlovga birdan uchtagacha bo‘lgan turli yo‘nalishlardagi ishlarni birlashtirgan holda bitta ariza bilan berilishi mumkin.Tanlovda ishtirok etishni istaganlar tanlov boshlanishidan o‘ttiz kun oldin “G‘alaba bog‘i” yodgorlik majmuasiga quyidagilarni taqdim etishlari lozim: - tanlovda ishtirok etish uchun ma’lumotnoma(rezyume); - pasport (ID-karta) nusxasi; - ma’lumot to‘g‘risidagi hujjat (diplom nusxasi (mavjud bo‘lsa); - o‘qish yoki ish joyidan berilgan ijodiy tavsifnoma va ma’lumotnoma; -3x4 sm o‘lchamdagi 1ta va 9x12 sm o‘lchamdagi 1ta rangli fotosurat; -tanlovda ishtirok etayotgan tomonidan yaratilgan, badiiy bezak va mantiqiy jixatdan to‘liq yakunlangan ijod namunasi (asar)Tanlov qatnashchilari mustaqil ravishda “G‘alaba bog‘i” yodgorlik majmuasiga, 100069, Toshkent sh., Olmazor tumani.Sag‘bon ko‘chasi, 382-uy manzili bo‘yicha “tanlovga” degan belgi va ushbu Nizom ilovasiga muvofiq rasmiylashtirilgan ariza bilan olib kelishlari mumkin.Quyida “O‘zbekiston xalqining Ikkinchi jahon urushidagi jasorati, sabr-matonati, mardligi, vatanparvarligini tarannum etuvchi ijodiy ishlar tanlovi to‘g‘risida ” Nizom taqdim etilmoqda.22 aprel kuni universitet Yoshlar bilan ishlash, ma`naviyat va ma`rifat bo`limida ijodiy ishlar yig`iladi va universitet Bosh binosida 23 aprel kuni ko`rgazma tashkil etiladi.BuxDU Matbuot xizmati
