Xalqimizda “Bilagi zo`r birni yiqitadi, bilimi zo`r mingni” degan ibratli naql bor. Bu bejiz aytilmagan albatta. Haqiqatan ham intellektual salohiyati yuqori, dunyoqarashi keng inson har qanday muammoli vaziyatdan chiqib ketishning yo`lini topa oladi. U buning uchun doimo izlanishda va intilishda bo`lishi zarur. Joriy yilning 27 yanvar sanasida Buxoro davlat universiteti Talabalar turar joyida Ijtimoiy-iqtisodiy talabalarning o`qishdan bo`sh vaqtlarida tarbiyaviy ishlarini olib borish maqsadi bilan tashkil etilgan “Zakovat” intellektual o`yini ham ana shunday izlanuvchan hamda iqtidorli yoshlarni o`zida jamladi. Zakovat intellektual o’yini Iqtisodiyot kafedrasi mudiri dots.M.A. Oripovning kirish so’zi bilan ochib berdi va jamolarga omad tiladi. Tadbirda Iqtisodiyot kafedrasi o`qituvchilari A.J. Abdullayev, S.S. Davlatov, I.I. Jalolov hamda Milliy g’oya, huquq va ma`naviyat asoslari kafedrasi o`qituvchisi R.Jumaev qatnashishdi. “Zakovat” intellektual o’yinda talabalar turar joyida yashaydigan talabalar tomonidan tashkil etilgan „Taffakur” jamoasi intellektual o`yinda birinchilik uchun kurash olib bordi. Tasdiqlangan Nizomga muvofiq o`yin to`rt bosqichda bo`lib o`tadi. Birinchi bo`lib o`tgan o`yin saralash bosqichi bo`lib, bunda jami 11 savol o`ynaldi va jamoa tomonidan berilgan javoblar hakamlar hay’ati tomonidan hisoblab borildi. Tadbir oxirida intellektual o’yinda faol ishtirok etgan talabalar hayat a’zolari tomonidan taqdirlandi. Xususan, Jo`raev Ural, Tojiev Ulug`bek, Sanoqulova Mushtariy “Zakovat” intellektual o`yinda o`z bilim va aql-idroklarini namoyon etdilar.
