2021 yilning 6-aprel kuni Buxoro davlat universiteti katta faollar zalida universitet rektori, i.f.d., prof. O.X.Xamidov rahbarligida “Oliy ta’limdan keyingi ta’lim instituti”ning 3-bosqichida tahsil olayotgan tayanch doktorant (PhD) va doktorantlar (DSc) ilmiy faoliyatining monitoringi o‘tkazildi. Bugungi kunda tadqiqotchilarga berilayotgan imkoniyatlardan doktorantlar to‘liq foydalana olishmayotganligi, bunda ilmiy rahbar va ilmiy maslahatchilar, fakultet dekanlari, kafedra mudirlarining mas’ulligini yana bir bor oshirish lozimligini uqtirib o‘tdi.Tanqidiy tarzda o‘tgan yig‘ilish davomida universitet rahbari har bir doktorantlar ilmiy faoliyatini birma-bir tahlil qildi. Bunga ko‘ra 3-bosqich tayanch doktorantlardan 3 nafari muddatidan oldin himoya qilganligini e’tirof etib, minnatdorchilik bildirdi. Shuningdek, 9 nafari ishini yakunlab ilmiy kengashlarga topshirganligi hamda 3 nafari kafedra muhokamasidan muvaffaqiyatli o‘tganligi aytib, amaliy yordam ko‘rsatishga tayyor ekanligini bildirdi. Yig‘ilish davomida rektor tomonidan 5 nafar tayanch doktorantlarning doktorlik dissertasiya ishi yakuniy bosqichda ekanligi, 14 nafar tayanch doktorant (PhD) va 1 nafar doktorantning belgilangan rejadan ortda qolayotganligi tanqidiy muhokama qilindi. Ilmiy ishlar va innovatsiyalar bo‘yicha prorektor i.f.f.d. (PhD), dots. O.S. Qahhorov so‘zga chiqib, 3-bosqich tayanch doktorant (PhD) va doktorantlar (DSc)ning 12 nafari doktorlik dissertatsiyasi bo‘yicha joriylanish ma’lumotnomalarini olinmaganligi, 7 nafari esa mutaxassislik fanlaridan malakaviy imtihonlarini topshirmaganligi, 19 nafari kafedra seminaridan muhokamadan o‘tganligi bo‘yicha ma’lumotlarni keltirdi.Prorektor tomonidan sohaga tegishliligi bo‘yicha ilmiy rahbar va ilmiy maslahatlatchilarni mas’uliyatini oshirish, fakultet dekanlari va kafedra mudirlari har bir fakultet va kafedra yig‘ilishlarida kun tartibidagi asosiy masalalardan biri sifatida tayanch doktorantlarning ilmiy faoliyati natijalarini doimiy tahlil qilib borishlari va rahbariyatga taklif kiritish bo‘yicha vazifalar berildi.BuxDU Ilmiy-tadqiqot, innovatsiyalar va ilmiy pedagog kadrlarni tayyorlash bo‘limi