Universitetimiz ishtirokida Germaniyaning akademik almashinuvlar xizmati DAAD tomonidan moliyalashtiriladigan “O‘zbekistonda madaniy meros obyektlarini muhofaza qilishda innovatsion uslublar va taʼlim transferi” loyihasi ish boshlagani ilgari ma‘lum qilingan edi.Loyiha doirasida O‘zbekistondagi hamkor OTMlar (BuxDU, TAQI, SamDAQI) talabalari va o‘qituvchilari uchun Potsdam amaliy fanlar universitetida ta‘lim olish va malaka oshirish uchun stipendiyalar tanlovi e‘lon qilinmoqda. Asosiy maʼlumotlar: Talabalar uchun barcha uch hamkor OTM uchun jami 2 ta stipendiya ajratilgan. Stipendiya 3 oyga (2021 yilning oktyabr-dekabr oylari) mo‘ljallangan bo‘lib, har oy uchun 750 yevro, jami 2250 yevroni tashkil etadi. Yo‘l xarajatlari loyiha tomonidan qoplanmaydi. Talabalar arxitektura, arxeologiya, amaliy sanʼat, restavratsiya, madaniy meros kabi yo‘nalishlarda o‘qiyotgan bo‘lishlari va nemis tilini bilishlari zarur.O‘qituvchilar uchun barcha uch hamkor OTM uchun 2 ta stipendiya ajratilgan. Stipendiya 1 oyga (2021 yilning oktyabr oyi) mo‘ljallangan bo‘lib, 1700 yevroni tashkil etadi. Yo‘l xarajatlari loyiha tomonidan qoplanmaydi. O‘qituvchilar arxitektura, arxeologiya, amaliy sanʼat, restavratsiya, madaniy meros kabi yo‘nalishlarda dars berayotgan yoki tadqiqot olib borayotgan bo‘lishlari zarur. Tanlab olingan nomzodlar loyiha doirasida 2022 yilda O‘zbekistonda tashkil qilinadigan yozgi maktab faoliyatida ishtirok etishlari, shuningdek o‘z universitetlarida 2023 yildan keyin ham faoliyat olib borishlari lozim.Tanlov uchun hujjatlar This email address is being protected from spambots. You need JavaScript enabled to view it. elektron manziliga yuborilishi lozim.Talabalar uchun hujjat topshirishning so‘nggi muddati - 09.04.2021. Quyidagi hujjatlar nemis tilida tayyorlab topshiriladi:Hujjatlari qabul qilingan va dastlabki saralashdan o‘tgan nomzodlar bilan taxminan 17-21 may kunlari nemis tilida onlayn intervyu o‘tkaziladi. Yakuniy natijalar 30 mayda eʼlon qilinadi. O‘qituvchilar uchun hujjat topshirishning so‘nggi muddati - 30.04.2021.Nomzod o‘qituvchilardan nemis tilini bilish alohida talab etilmaydi, lekin ingliz tilini yetarli darajada bilish talab etiladi. Quyidagi hujjatlar nemis yoki ingliz tilida tayyorlab topshiriladi:Hujjatlari qabul qilingan va dastlabki saralashdan o‘tgan nomzodlar bilan taxminan 24-28 may kunlari onlayn intervyu o‘tkaziladi. Yakuniy natijalar 30 mayda eʼlon qilinadi. Qo‘shimcha maʼlumotlar:BuxDU Xalqaro hamkorlik bo'limi
