11.01.2022

Joriy yilning fevral oyida Vengriya poytaxti Budapesht shahrida O‘zbekiston-Vengriya hukumatlararo komissiyaning navbatdagi yig‘ilishi bo‘lib o‘tgan hamda mamlakatimiz delegatsiyasi tarkibida Oliy va o‘rta maxsus taʼlim vaziri o‘rinbosari U.Begimqulov ham ishtirok etgan edi. O‘tkazilgan muzokaralar natijasida Oliy va o‘rta maxsus taʼlim vazirligi hamda Vengriya rektorlari Kengashi o‘rtasida hamkorlik to‘g‘risida kelishuv imzolangan, Vengriya Bosh vaziri V.Orbanning mamlakatimizga tashrifi doirasida ikki davlat OTMlari rektorlarining birinchi forumini o‘tkazishga kelishilgan edi.Mazkur Forumga tayyorgarlik ko‘rish doirasida universitetimizda Vengriya universitetlari bilan hamkorlikni yo‘lga qo‘yish bo‘yicha ishlar boshlab yuborildi.9-mart kuni xalqaro hamkorlik bo‘yicha prorektor A.Jo‘rayev Vengriyaning Pannoniya universiteti vakillari bilan onlayn ravishda uchrashuv o‘tkazdi. Uchrashuvda Pannoniya universitetining xalqaro piar va marketing bo‘yicha koordinatori Orsolya Tuba hamda xalqaro hamkorlik boshqarmasi vakili Mate Barnabas ishtirok etdi.Tomonlar o‘z universitetlari to‘g‘risida asosiy maʼlumotlar bilan tanishtirishdi. Pannoniya universiteti vakillari Vengriya hukumati stipendiyalari dasturi Stipendium Hungaricum va boshqa dasturlar doirasida hamkorlik qilishga tayyorliklarini taʼkidlashdi.Uchrashuv yakunida yaqin kunlar ichida o‘zaro hamkorlik memorandumi shaklini kelishib olish hamda Vengriya-O‘zbekiston rektorlari birinchi forumi paytida imzolashga kelishib olindi.Pannoniya universiteti haqidagi maʼlumotlarni universitetning rasmiy saytidan olish mumkin: https://eng.uni-pannon.huBuxDU Xalqaro hamkorlik bo'limi