11.01.2022

1-aprel kuni universitetimizning xorijiy hamkorlaridan biri – Don davlat texnika universitetining o‘quv ishlari va uzluksiz taʼlim bo‘yicha prorektori, b.f.n. Svetlana Viktorovna Ponomareva tomonidan “O‘zgarishlar davrida taʼlim” mavzusida vebinar o‘tkazildi. Vebinarda bugungi tez o‘zgaruvchan zamonda taʼlim tizimi oldida qanday vazifalar turganligi, zamonaviy pedagog qiyofasi nimalardan iborat bo‘lishi haqida fikr yuritildi. Shuningdek, Don davlat texnika universitetidagi taʼlim va ilmiy jarayonlar, kasb-hunar muassasalari bilan aloqalar, uzluksiz taʼlimning eʼtiborga molik namunasi sifatida “Bolalar universiteti”, “Abituriyentlar akademiyasi”, “Ota-onalar universiteti”, “Yoshi kattalar universiteti”, “Ilmiy kollaboratsiyalar uyi” kabi tashabbuslar haqida maʼlumotlar berib o‘tildi. Vebinarda prorektorlar, dekanlar, kafedra mudirlari hamda bshqa qiziquvchilar ishtirok etishdi.    BuxDU Xalqaro hamkorlik bo'limi