Kuni kecha Buxoro davlat universitetiga Londondagi Vestminster universiteti doktoranti Anastasiya Bezborodova tashrif buyurdi. Doktorantning ilmiy ishlari "O‘zbekiston oliy o‘quv yurtlarida Ingliz tilining ta’lim tili sifatidagi o‘rni" mavzusiga bag‘ishlangan. Tadqiqotlarning asosiy maqsadi O‘zbekistonda turli tillarda ta’lim olish imkoniyatlarini o‘rganish va bunda ingliz tilining tutgan o‘rni, ingliz tilidan foydalanish bilan bog‘liq siyosat va amaliyot masalalarini ko‘rib chiqishdir. Hozirgi kunga qadar taqdiqotchi tomonidan O‘zbekiston va Qirg‘izistonda O‘rta umumiy ta’lim sohasida Ingliz tilini o‘qitish bo‘yicha so‘rovnomalar o‘tkazilgan.A.Bezborodova Xorijiy tillar hamda Iqtisodiyot va turizm fakultetlarida bo‘lib, Ingliz tilini o‘qitish, shuningdek mutaxassislik fanlarini Ingliz tilida o‘qitish masalalari bo‘yicha tajriba bilan tanishdi. Iqtisodiyot va turizm fakulteti "Turizm va mehmonxona xo'jaligi" kafedrasida mutaxassislik fanlar Ingliz tilida o'tiladi va aynan shu holat bilan tadqiqotchi tanishdi. Yosh o'qituvchi Dushanova Y.F. darsini tahlil qildi.Bundan tashqari "Turizm va mehmonxona xo'jaligi" kafedrasi Ingliz tilida dars beruvchi boshqa o'qituvchilari bilan ham suhbat qildi. Suhbat davomida Ingliz tilining Oliy o'quv yurtidagi ahamiyati, bu tilda dars berish sifati qanday bo'lishi, talabalarning Ingliz tilida gapirish darajasi haqlarida so'z bordi.Anastasiya Bezborodova AQShning Shimoliy Arizona universitetida TESOL (Teaching English for Speakers of Other Languages – Ingliz tilini boshqa tillilarga o‘rgatish) bo‘yicha magistr darajasiga, shuningdek O‘zbekiston davlat jahon tillari universitetida ingliz tilshunosligi bo‘yicha magistr darajalarini olgan.Iqtisodiyot va turizm fakulteti matbuot xizmati
