11.01.2022

25-fevral kuni universitet xalqaro hamkorlik bo‘yicha prorektori Abror Jo‘rayev Rossiya xalqlar do‘stligi universitetining O‘zbekistondagi vakolatxonasi rahbari Andrey Kolesnikov bilan uchrashdi.Uchrashuvda prorektor A.Jo‘rayev tomonidan universitetimiz faoliyati to‘g‘risida maʼlumotlar berildi. A.V.Kolesnikov mart oyida RXDU delegatsiyasining mamlakatimizga tashrifi rejalashtirilayotganligi, universitet rahbariyati tomonidan Buxoro davlat universiteti bilan hamkorlik o‘rnatishga katta qiziqish mavjudligini aytib o‘tib, o‘zaro hamkorlikda amalga oshirish mumkin bo‘lgan amaliy ishlar bo‘yicha fikr almashdi.Uchrashuvda Buxoro viloyat bandlik bosh boshqarmasi boshlig‘i o‘rinbosari Saodat Siddiqova ham ishtirok etdi. Bugungi kunda RXDUning O‘zbekistondagi vakolatxonasi bilan O‘zbekiston Respublikasi Bandlik va mehnat munosabatlari vazirligi hamkorligida Rossiya Federatsiyasida ishlash istagidagi fuqarolarni rus tiliga o‘qitish va zaruriy kasblarga tayyorlash, vazirlik tasarrufidagi o‘quv markazlarida rus tili sinflari tashkil etilib, unga rus tili o‘qituvchilarini jalb qilish, tayyorlash, malakasini oshirish borasida salmoqli ishlar amalga oshirilmoqda. S.Siddiqova Buxoro viloyatidagi o‘quv kurslarida Buxoro davlat universiteti o‘qituvchilari ham shartnoma asosida jalb etilganliklarini taʼkidlab, ushbu hamkorlik uchun minnatdorchilik bildirdi.A.Jo‘rayev tomonidan ushbu kurslarda BuxDU o‘qituvchilari qatorida tegishli mutaxassislikda taʼlim oluvchi magistrantlarning amaliyot o‘tishlarini tashkil qilish bo‘yicha taklif bildirildi va bu taklif qo‘llab-quvvatlandi.Tomonlar BuxDU va RXDU o‘rtasida mart oyida hamkorlik shartnomasini imzolash, shartnoma doirasida qo‘shma taʼlim dasturlarini yo‘lga qo‘yish, o‘zaro o‘qituvchi, talaba va tadqiqotchilar almashinuvini tashkil qilishga kelishib olindi.Maʼlumot uchun:Rossiya xalqlar do‘stligi universiteti 1960 yilda tashkil qilingan. Rossiyaning yetakchi universitetlarining jahon ilmiy-taʼlim muassasalari o‘rtasida raqobatbardoshligini oshirishga qaratilgan “5-100” loyihasining aʼzosidir. QS-2021 reytingida 326-o‘rinda turadi. THE-2021 reytingining sohalar bo‘yicha kesimida universitetning qariyb yo‘nalishlari jahonning yuqori 500 taligiga kiradi. Talabalar soni 25 mingga yaqin, shu jumladan 158 mamlakatdan xorijiy talabalar taʼlim olishadi. Universitet shiori: Scientia unescamus – Bilim bizni birlashtiradi.Universitet vebsayti: www.rudn.ruBuxDU Matbuot xizmati