11.01.2022

Mamlakatimiz iqtisodiy taraqqiyotining o‘sish sur’atlari dunyo hamjamiyati tomonidan yuksak e’tirof etilmoqda. Bu ayni paytda ilm-fanni rivojlantirish, ta’lim sohasini isloh etish, ilmiy va innovatsion faoliyatni har tomonlama qo‘llab-quvvatlashga qaratilgan keng ko‘lamli islohotlar samarasidir. Albatta, bularga erishish uchun innovatsiyalarni amaliyotga keng tadbiq etish, professional ta’limni rivojlantirish, ilmiy ishlanmalar sifatini oshirish hamda aholi, ayniqsa, yoshlarning intellektual salohiyatini ro‘yobga chiqarishda muhim o‘rin tutadi.Shu sababli ham Prezidentimiz oliy ta’lim tizimini butkul qayta ko‘rib chiqish, xususan, sohada belgilab berilgan ustuvor vazifalar ijrosiga alohida e’tibor qaratib kelmoqda. Bu masalalar 2017-2021 yillarda O‘zbekiston Respublikasini rivojlantirishning beshta ustuvor yo‘nalishlari bo‘yicha Harakatlar strategiyasida o‘z aksini topgan. Davlatimiz rahbarining “Pedagogik ta’lim sohasini yanada rivojlantirish chora-tadbirlari to‘g‘risida” 2020 yil 27 fevraldagi PQ -4623-sonli qaroriga muvofiq Buxoro davlat universitetining pedagogika ta’lim sohasi bakalavriat ta’lim yo‘nalishlari va magistratura mutaxassisliklari negizida Buxoro davlat universitetining Pedagogika instituti tashkil etilishi hamda Vazirlar Mahkamasining 2021 yil 6 apreldagi 188-sonli “Buxoro davlat universitetining Pedagogika instituti faoliyatini tashkil etish chora-tadbirlari to‘g‘risida”gi qarori ushbu yo‘nalishdagi islohotlarning mantiqiy davomi bo‘ldi, desak, aslo yanglishmaymiz.Ma’lumki, o‘tgan qisqa muddatda oliy ta’lim tizimini isloh qilishga qaratilgan ko‘pgina ijobiy ishlar amalga oshirildi. Shu bilan birga, Buxoro davlat universitetida ham zamonaviy talablarga javob beradigan etuk kadrlar tayyorlash tobora dolzarb ahamiyat kasb etayotir. Bunda, ayniqsa, tadbiq etilayotgan ushbu qarorning mohiyatidan kelib chiqib, Pedagogika institutining ustuvor yo‘nalishi etib quyidagilar belgilandi:Ta’kidlash kerakki, yuqoridagi Hujjatda qayd etilishicha, o‘tkazilgan tahlillar ta’lim sohasi uchun kadrlar tayyorlash sifatiga e’tiborni kuchaytirish, sohada ilg‘or xorijiy tajribani keng joriy etish, pedagogik ta’lim infratuzilmasini yaxshilash zarurligini ko‘rsatmoqda. Tarbiya va o‘qitish usullari, AKT va xorijiy tillarni puxta o‘zlashtirgan professional pedagog kadrlar tayyorlash, ta’lim sifatini oshirish, xususan, pedagogika va maktabgacha ta’lim kabi muhim sohalardagi kadrlarga bo‘lgan ehtiyoj talabini qondirish  bu borada o‘z echimini kutayotgan dolzarb masalalardan biri edi. Bundan tashqari hozirgi kunda pedagoglarni tayyorlash bo‘yicha sanoqli pedagogika institutlari: Nukus davlat pedagogika instituti, Navoiy davlat pedagogika instituti, Jizzax davlat pedagogika instituti, Qo‘qon davlat pedagogika instituti, Chirchiq davlat pedagogika instituti bo‘lib, pedagogika sohasi kadrlarini tayyorlovchi pedagogika institutlari barcha viloyatlarda ham tashkil etilishi, ta’lim-tarbiya tizimini yangi bosqichga ko‘tarish, pedagog kadrlar tayyorlash sifatini ilg‘or xalqaro standartlar asosida takomillashtirish va oliy pedagogik ta’lim bilan qamrov darajasini oshirish borasida izchil chora-tadbirlar amalga oshirib kelinmoqda.Dunyodagi nufuzli OTMlari faqat mana shunday samarali mexanizmlarni qo‘llash orqaligina kutilgan natijalarga erishishgan. Bunday yaratilayotgan imkoniyatlar pedagogik ta’lim infratuzilmasini sifat bosqichiga ko‘tarishga, har bir jamoamizdagi professor-o‘qituvchining o‘z kasbiga bo‘lgan sadoqati, mehnatiga vijdonan yondashishini talab etadi. Bundan tashqari, har bir professor-o‘qituvchilarning xalqaro va mahalliy grant loyihalarida ishtirok etishi, turdosh sohalar bilan hamkorlikda aniq natijadorlikka qaratilgan turli ilmiy loyihalarda birgalikda qatnashishi, manfaatli xalqaro aloqalarni mustahkamlashi, mahalliy va xalqaro OTMlar bilan o‘zaro tajriba almashishi, ijobiy tajribani keng yoyishi, butun ilmiy jamotchilik oldidagi eng muhim vazifalardan qilib belgilandi. Zero, jahon tsivilizatsiyasining hozirgi rivojlanish darajasi  barcha soha mutaxassislarining chuqur bilim va malakaga ega bo‘lishini talab qilmoqda.Qaror bilan joriy o‘quv yilidan Institut talabalarining qabulini tashkillashtirish, tegishli ta’lim yo‘nalishlari bo‘yicha muayyan tashkilotlar va korxonalarda malakaviy amaliyotlari tizimli ravishda o‘tkazilishi, shuningdek, ularning amaliy mashg‘ulotlarini bevosita ishlab chiqarishda tashkillashtirish hamda bitiruvchilarni ishga joylashtirish bo‘yicha aniq choralar ko‘rish belgilab qo‘yildi. Ijtimoiy sohada yosh olimlar, izlanuvchilar va doktorantlar uchun keng imkoniyatlar yaratish ham hujjatda o‘z ifodasini topgan bo‘lib, unda amaliyotga tatbiq etilgan ish mualliflarini, ixtiro egalarini moddiy rag‘batlantirish nazarda tutildi.Bugungi kunda yoshlar tarbiyasi o‘ta dolzarb masala ekanini inobatga olgan holda, qarorda talaba-yoshlarning mafkuraviy immunitetini mustahkamlash, ta’lim va tarbiya uyg‘unligini amalda ta’minlash borasidagi vazifalarga alohida e’tibor qaratildi.Yana bir muhim masala bu, albatta, pedagoglarni ijtimoiy qo‘llab-quvvatlashdir. Qarorda ta’lim muassasalarida faoliyat olib borayotgan pedagog kadrlarning ijtimoiy nufuzini oshirish, jamiyatda pedagogik faoliyatning obro‘sini yuksaltirish, soha vakillarini yoshlarga namuna va o‘rnak darajasiga ko‘tarish bo‘yicha ham aniq vazifalar belgilangan. Umuman aytganda, mazkur qaror ta’lim sohasida ilmiy va ijodiy fikrlashga ega, salohiyatli kadrlarni tayyorlash, shu bilan birga, ta’lim tizimini yanada taraqqiy toptirish hamda oliy ta’lim muassasalari o‘rtasida o‘zaro sog‘lom raqobat muhitini rivojlantirishda muhim ahamiyat kasb etadi. Bu esa oliy ta’lim tizimiga soha ixtisosliklarga asoslangan yangiliklarni tezlikda o‘zlashtirish, ularga moslashish layoqatiga ega kadrlarni etishtirish talabini qo‘yadi. Bunday mashaqqatli yo‘lda barcha professor-o‘qituvchilarimizga metin iroda tilab qolamiz. O.X.Xamidov, Buxoro davlat universiteti rektori, iqtisodiyot fanlari doktori, professor. BuxDU  Matbuot xizmati