11.01.2022

Bugun universitetimizning yaqin hamkorlaridan biri, Isroilning yetakchi universitetlari qatorida turuvchi Xolon texnologiya instituti rahbariyati bilan ishchi tartibdagi uchrashuv o‘tkazildi. Uchrashuvda rektor O.Xamidov, prorektor A.Jo‘rayev, bo‘lim boshliqlari O.Rahimov. M.Qilichov, XTI tomonidan esa institut prezidenti E.Yakubov, o‘quv ishlari bo‘yicha vitse-prezident D.Shoyxet hamda tashqi aloqalar bo‘yicha masʼul T.Levi ishtirok etishdi.Uchrashuvda o‘zaro hamkorlikning joriy holati va kelgusi rejalar muhokama qilindi. Shu jumladan:1) E.Yakubov tomonidan yaqinda nashrdan chiqqan Momentum kitobi haqida maʼlumot berildi. Kitob Xolon texnologiya institutining so‘nggi yillardagi yutuqlari hamda hamkorlik aloqalar to‘g‘risida fikr yuritilib, uning markaziy qismida Buxoro davlat universiteti bilan hamkorlikka joy ajratilgan. Kitobning elektron varianti yaqinda universitetimizga taqdim etiladi.2) XTI tomonidan mamlakatimizning boy tarixiy-madaniy merosiga bo‘lgan hurmatning bir ko‘rinishi sifatida turizm sohasida dasturiy taʼminotlar ishlab chiqishda hamkorlik qilish taklif etildi.3) XTI bilan hamkorlikda STEM-muzeyini tashkil qilish taklifi muhokama qilindi. STEM (Science, Technology, Engineering and Mathematics – Fan, Texnologiya, Muhandislik va Matematika) yo‘nalishidagi tajribalarni maktab o‘quvchilariga ko‘rsatish orqali ularda amaliy ko‘nikmalar va fanga qiziqishni rag‘batlantirish maqsad qilinadi. BuxDU tomonidan kelgusida “Bolalar universiteti” kabi tashabbuslarni amalga oshirish rejalashtirilganligi, bu aynan STEM-muzey konsepsiyasiga ham mos tushishi taʼkidlandi.4) Hamkorlikda matematika olimpiadalari tashkil qilishga kelishib olindi.5) 28-29 aprel kunlari Xolon texnologiya instituti hamkorligida yevropalik va isroillik olimlar tomonidan matematika fanini o‘qitishning ilg‘or uslublari haqida trening o‘tkazilishi hamda ishtirok etishni xohlovchilar uchun maʼlumotlar yetkazilishi maʼlum qilindi. Treningda ishtirok etish uchun quyidagi havola orqali qayddan o‘tish lozim: https://forms.gle/TRpJzSEXGLUyBC9v8Uchrashuv ishtirokchilari bunday yig‘ilishlarni oyda bir marta o‘tkazish hamda hamkorlikdagi ustivor masalalar bo‘yicha fikr almashib turishga kelishib oldilar.BuxDU Xalqaro hamkorlik bo'limi