11.01.2022

25-fevral kuni universitetimizda amalga oshirilishi boshlangan hamda Germaniyaning akademik almashinuvlar xizmati DAAD tomonidan moliyalashtiriladigan “O‘zbekistonda madaniy meros obyektlarini muhofaza qilishda innovatsion uslublar va taʼlim transferi” loyihasining ishchi yig‘ilishi onlayn shaklda bo‘lib o‘tdi. Uchrashuvda loyiha koordinatori Potsdam amaliy fanlar universiteti hamda hamkor OTMlar sifatida Toshkent davlat arxitektura-qurilish instituti hamda Samarqand davlat arxitektura va qurilish instituti vakillari ishtirok etishdi. Universitetimiz tomonidan xalqaro hamkorlik bo‘yicha prorektor A.Jo‘rayev hamda xalqaro hamkorlik bo‘limi boshlig‘i M.Qilichovlar qatnashishdi.Uchrashuvda 4 ta masala ko‘rib chiqildi.1) Talabalar va o‘qituvchilar uchun Potsdam amaliy fanlar universitetida taʼlim olish va malaka oshirish uchun stipendiyalar tanlovi. Joriy yilning oktyabr oyidan boshlab hamkor OTMlardan bir necha nafar talaba va o‘qituvchi Germaniyaga uzatilishi rejalashtirilgan bo‘lib, mart-aprel oylarida tanlovga hujjat topshirish jarayoni o‘tkaziladi. Jarayon haqida universitetimiz saytida alohida maʼlum qilinadi.2) Potsdam amaliy fanlar universiteti delegatsiyasi joriy yilning sentyabr oyida O‘zbekistonga tashrif buyurib, restavratsiya qilinadigan obyektni tanlash bo‘yicha o‘rganishlarni olib boradi. Ayni paytda BuxDU tomonidan ham 3 ta madaniy meros obyekti haqida ma’lumot taqdim etildi hamda ulardan birini restavratsiya qilish bo‘yicha taklif kiritildi.3) 2022 yilda Germaniya va O‘zbekistondan 30 nafar talaba ishtirokida yozgi maktab faoliyati tashkil qilinadi hamda yozgi maktab davomida tanlangan obyektlardan birida restavratsiya bilan bog‘liq amaliy ishlar olib boriladi.4) Germaniyalik hamkorlar aprel oyidan boshlab madaniy meros obyektlari restavratsiya bo‘yicha onlayn maʼruzalar o‘qishni taklif qilishdi. Prorektor A.Jo‘rayev tomonidan ushbu maʼruzalarni barcha hamkorlar ishtirokidagi maxsus kurs shaklida tashkil qilish taklifi berildi. Mazkur taklif loyiha ishtirokchilari tomonidan ko‘rib chiqilishi belgilandi.Loyihaning keyingi yig‘ilishi kengaytirilgan tartibda aprel oyida o‘tkazilishi rejalashtirildi.BuxDU Matbuot xizmati