11.01.2022

15-mart kuni xalqaro hamkorlik bo‘yicha prorektor A.Jo‘rayev Ispaniyaning Kadis universiteti huzuridagi Sharqiy Yevropa va Markaziy Osiyo xalqaro markazi rahbari Andres Santana bilan muzokara o‘tkazdi. Muzokarada universitetlar o‘rtasida hamkorlik shartnomasini imzolash, talaba, tadqiqotchi va o‘qituvchi almashinish, qo‘sh rahbarlik asosida PhD dissertatsiyalarini tayyorlash va himoya qilish, shuningdek BuxDUga ispan tili o‘qituvchisini taklif etish masalalari ko‘rib chiqildi.Andres Santana kelgusi o‘quv yili uchun ispan tili o‘qituvchilari tanloviga BuxDU buyurtmasi ham qo‘shilishini maʼlum qilib, o‘qituvchining yuborilishi pandemiya jarayonlariga bog‘liqligini taʼkidlab o‘tdi.Tomonlar o‘zaro hamkorlik shartnomasini tayyorlashni hamda uni 26-27 mart kunlari BuxDuda bo‘lib o‘tadigan “Til, adabiyot, tarjima, adabiy tanqidchilik xalqaro ilmiy forumi: zamonaviy yondashuvlar va istiqbollar” mavzusidagi xalqaro ilmiy konferensiya doirasida tantanali ravishda imzolashga kelishib oldilar. Maʼlumot uchun: 1979 yilda tashkil topgan Kadis universiteti Times-2021 reytingida 1001+ guruhida, “Yosh universitetlar” (tashkil topganiga 50 yildan kam muddat bo‘lgan) reytingida 201-250 guruhida joylashgan, CWUR-2021 reytingida 1063-o‘rinni egallab turibdi. Talabalar soni 22 mingdan ortiq. Universitet vebsayti: www.uca.esBuxDU Xalqaro hamkorlik bo'limi