11.01.2022

Ishbilarmon, xayr-sahovat va mehr-muruvvat elchisi, ta`lim va ma`rifat homiysi, rassom, badiiy dizayner, asli Samarqand shahrida tug’ilgan ayni vaqtda Buyuk Britaniyaning konservativ partiyasi a’zosi Lordlar palatasining a’zosi Muhammad Iltafning rafiqasi Guli Khanum Sheikh Buxoro davlat universitetiga tashrifi katta maqsadlarga qaratildi. Guli Khanum Sheikhni Buxoro davlat universiteti rektori Obidjon Xamidov kutib oldi. Talabalar, professor-o’qituvchilar bilan o’tgan uchrashuvda Yetakchi ayollar birlashmasi nodavlat tashkiloti asoschisi Guli Khanum Sheikh yoshlar iste’dodini yuzaga chiqarish, ta`lim sohasidagi qator istiqbolli loyihalarda hamkorlik qilish, xotin-qizlar, gender tengligini ta`minlash, ayollar qonuniy haq-huquqlari va manfaatlarini himoya qilish, zo’ravonlik, ayollar kamsilitishining har qanday ko’rinishiga qarshi kurashish, ilm ma`rifatni kuchaytirish doirasida tashabbuslarini ilgari surdi. Uchrashuvda shuningdek, Buxoro viloyati xalq ta`limi boshqarmasi boshlig‘i Dilfuza Mustafayeva, BuxDU Ilmiy ishlar va innovatsiyalar bo’yicha prorektor O.S.Qahhorov, BuxDU Xotin-qizlar qo’mitasi raisi O.I.Adizova, Xorijiy tillar fakulteti dekani M.Jo’rayeva va boshqalar qatnashdilar. Uchrashuvda universitet talabalari tomonidan Guli Khanum Sheikhga ta`lim olgan oliy ta`lim muassasalari, ish faoliyatlari, hayriya fondlari to'g'risida savol berib batafsil javob olishdi. Guli Khanum Sheikh bilan o'tgan uchrashuv universitet talabalariga ulkan motivatsiya berdi deb o'ylaymiz. Uchrashuv so’ngida universitet rektori Obidjon Xamidov tomonidan estalik uchun sovg’alar berildi.BuxDU Matbuot xizmati