11.01.2022

Kuni kecha Vengriya bosh vaziri Viktor Orban mamlakatimizga tashrif buyurib, muzokaralar yakunida mamlakatlar o‘rtasida 10 dan ortiq muhim hujjatlar imzolangan edi. Hujjatlar o‘zaro hamkorlikning ko‘plab jihatlari qatorida oliy ta’lim sohasidagi aloqalarni ham qamrab oladi.Universitetimizda ham Vengriya universitetlari bilan hamkorlik aloqalarini o‘rnatish borasida olib borilayotgan ishlar doirasida 29-mart kuni xalqaro hamkorlik bo‘yicha prorektor A.Jo‘rayev Vengriyaning Davlat xizmati milliy universiteti xalqaro hamkorlik boshqarmasi boshlig‘i Klara Breuyer bilan uchrashuv o‘tkazdi.Uchrashuvda tomonlar o‘z universitetlari haqida ma’lumotlar berib o‘tishdi. Davlat xizmati milliy universiteti bilan Vengriya hukumatining Stipendium Hungaricum stipendiyalar dasturi doirasida hamkorlik qilish, shuningdek ilmiy tadqiqotlar mavzulari bo‘yicha vebinarlarni tashkil qilish bo‘yicha kelishib olindi. Ma’lumot uchun:Davlat xizmati milliy universiteti 2011-yilda bir necha OTM hamda fakultetlar qo‘shilishi natijasida tashkil qilingan bo‘lsada, uning asosi 1808-yildan boshlab faoliyat ko‘rsatib kelgan Vengriya qirollik harbiy akademiyasiga borib taqaladi. Universitet Vengriyada davlat boshqaruvi va xizmati uchun kadrlar yetkazib beruvchi asosiy OTM hisoblanadi. Universitet talabalari soni 11 ming nafarni, pedagog xodimlar soni 635 nafarni tashkil etadi. 4 ta fakultet mavjud: Davlat boshqaruvi va xalqaro tadqiqotlar fakulteti, Harbiy bilim va ofitserlar tayyorlash fakulteti, Huquq fakulteti, Suv fanlari fakulteti.Universitet rasmiy vebsayti: https://en.uni-nke.huBuxDU Xalqaro hamkorlik bo'limi