11.01.2022

Buxoro davlat universiteti Fizika kafedrasida Moskva davlat universiteti professori Hasanov Xolmurod Hasanovichning ochiq ma’ruzasi bo‘lib o‘tdi, magistrantlar va kafedra professor-o‘qituvchilari ishtirokidagi  ochiq dars mashg‘uloti juda qizg‘in munozaralarga boy va qiziqarli o‘tdi. Aniq va tabiiy fanlar doirasida olib borilayotgan ilmiy tadqiqotlar hamda zamonaviy fizika sohasida erishilayotgan yutuqlar haqida batafsil to‘xtalib o‘tgan professor ma’ruza ishtirokchilarining ham fikrlarini tingladi. Shu bilan birga, professor X.Hasanov o‘zi olib borayotgan ilmiy-tadqiqot ishlari haqida atroflicha gapirib o‘tdi, jumladan, nazariy tahlil qilingan bilimlar natijasini Buxoro RMZ tashkilotida olib borilayotgan tajribalar haqida to‘xtalib o‘tdi va kafedra magistrantlarini ushbu tadqiqot ishini amalda joriy qilish jarayonlarida ishtirok etishlarini ta’kidladi. Endilikda magistr talabalar zamonaviy fizika sohasida olib borilayotgan tajribalarni ko‘rishlari va ishtirok etishlari mumkin, bu esa, kelajakda ilm-fan rivojiga hissa qo‘shadigan magistr yoshlar uchun maxsus ilm-fan maktabi bo‘lishiga shubha yo‘q.BuxDU Matbuot xizmati