11.01.2022

Buxoro davlat universiteti talabalar turar joyida fizika-matematika fakulteti “Amaliy matematika va dasturlash texnologiyalari” va “Axborot texnologiyalari” kafedrasi professor-oʼqituvchilari tomonidan “Kafedra kuni” oʼtkazildi. “Kafedra kuni” doirasida Prezident tomonidan ilgari surilgan besh tashabbusga doir turli ma’naviy-ma’rifiy ishlar amalga oshirildi. Bunda fakultet yoshlar bilan ishlash bo’yicha dekan muovini J. Nuriddinovning hissalari katta bo’ldi. Birinchi tashabbus doirasida talab yoshlarning musiqa, rassomlik, adabiyot, teatr va san’atning boshqa turlariga qiziqishlarini oshirish maqsadida fakultet “Talabalar studiyasi”ning chiqishlari barchani xursand qildilar.2-tashabbus doirasida o’qituvchilar o’zlari boshchiliklarida talaba yoshlarni jismoniy chiniqtirish, ularning sport sohasida qobiliyatlarini namoyish qilish maqsadida tennis sporti musobaqasi turniri, shaxmat va shashka musobaqalari tashkil qilindi. Bunda barcha talabalar qiziqish va xursandchilik  bilan ushbu musobaqalarga qatnashishdi.3-tashabbus doirasida talaba yoshlar o’rtasida kompyuter texnologiyalari va Internetdan samarali foydalanishni tashkil qilish maqsadida o’qituvchi Hazratov Fazliddin “Hemis dasturining afzalliklari” mavzusida talabalarga ma’lumot berdilar va ularning ushbu tizimdagi tushunmagan savollarining barchasiga javob berildi. Barcha talabalar ushbu mavzuga juda mas’uliyat bilan yondoshib, kerakli maslahatlarga ega bo’ldilar.4-tashabbus doirasida talaba yoshlar ma’naviyatini yuksaltirish, ular o’rtasida kitobxonlikni keng targ’ib qilish maqsadida “Kitob-ilm va hikmat manbai” mavzusida davra suhbati o’tkazildi.Bunda talabalarga o’z mutaxassisligi yo’nalishida yahgi nashrdan chiqqan adabiyotlar haqida tavsiyalar berildi.5-tashabbus doirasida kafedra talaba qizlarining “Mohir qo’llar” to’garagi faoliyatidan lavhalar namoyish qilindi. Ayniqsa, 1-4PMI-19 guruh talabasi Gadoymurodova Zebarsho o’z qo’llari bilan yasagan milliy turdagi taqinchoqlar, diademalar, har xil turdagi aksessuarlar, yoritgich-gullar, bolajonlar va kattalar uchun ajoyib to’qilgan kiyimlarini namoyish qildi. Ushbu tadbir juda qiziqarli, ma’lumotlarga boy va ko’tarinki ruhda o’tdi. Eʼtiborli jihati shundaki, kafedraning har bitta oʼqituvchisi oʼz vaqtini ayamagan holda, talabalarning yashash sharoitlarini oʼrgandi. Bir soʼz bilan aytganda, Amaliy matematika va dasturlash texnologiyalari va Axborot texnologiyalari kafedrasi professor-oʼqituvchilari tomonidan talabalar turar joyida yashovchi talaba-yoshlarga birdek mehr, quvonch ulashildi. Mana shunday tadbirlarning tashkil etilishi, talabalarning boʼsh vaqtlarini mazmunli tashkil etishga, ulardagi jamoaviylik xarekterlarini yanada kuchaytirishga xizmat qiladi. BuxDU Matbuot xizmati