11.01.2022

Aziz professor-o‘qituvchilar, universitet jamoasi, qalbi qaynoq talabalar!Sizlarni va siz orqali oila a’zolaringizni yurtimizga kirib kelayotgan yangi yil bilan chin qalbimdan tabriklab, o‘zimning samimiy tilaklarimni sizga izhor etishdan g‘oyatda mamnunman. Albatta 2020 yil barchamiz uchun og‘ir va sinov yili bo‘ldi desam adashmagan bo‘laman. Koronavirus pandemiyasidan millionlab odamlar aziyat chekdi. Shunday mushkul paytda ham xalqimiz yengilmaslikka harakat qildi, mardligi va fidoiyligi bilan oldingi saflarda turdi. Shunga qaramay, davlatimiz rahbariyati tomonidan mamlakatimizda iqtisodiy rivojlanish, xalqning dardiga darmon bo‘lish, qiynalgan oilalarga yordam berish bir daqiqa ham to‘xtagani yo‘q.Bu borada universitetimiz jamoasi tomonidan ham bir qator savobli ishlar amalga oshirildi. Buning uchun barchaga o‘z minnatdorchiligimni bildirmoqchiman. Muhtaram yurtboshimiz Sh.M.Mirziyoyev tomonidan qanday bir islohot, qanday bir o‘zgarishlarga qo‘l urilmasin barchasi xalqning, yoshlarimizning manfaati uchun qilinmoqda. Buning uchun biz ham yurtboshimizga madad bo‘lib, jonajon Vatanimiz uchun sidqidildan xizmat qilishimiz, yonib yashashimiz kerak bo‘ladi. Prezidentimiz tashabbuslari bilan ta’lim tizimiga yangicha yondashildi.Azizlar!Yaqinlashib kelayotgan 2021 yil hamisha Alloh nazarida bo‘ling. Xonadoningizga omad va baxt, oilaviy quvonch va totuvlik hech qachon sizni tark etmasligini tilayman. Dasturxoningizga qut baraka bersin. Yurtimiz tinch, osmonimiz musaffo bo‘lsin. Shukronalik, yangi hayotga yangicha qarash, yangi ezgu niyatlar hech kimni tark etmasin.Hurmat bilan,Buxoro davlat universiteti rektori, iqtisodiyot fanlari doktori, professor Xamidov Obidjon Xafizovich