11.01.2022

Qishki ta’til vaqtida universitet professor-o‘qituvchilarining faoliyati, o‘quv jarayonining uslubiy ta’minotini yaxshilash, ilg‘or pedagogik va axborot texnologiyalarini o‘zlashtirish, ma’naviy-axloqiy tarbiya ishlarini samarali tashkillashtirish hamda oliy va o‘rta maxsus, professional ta’limning me’yoriy hujjatlarini o‘rganish bo‘yicha maxsus dastur ishlab chiqish va amalga oshirish singari vazifalar aytib o‘tilgan edi. Shulardan kelib chiqqan holda 2020/2021 o‘quv yilida universitetga yangi ishga qabul qilingan professor-o‘qituvchilar uchun maxsus kurslar tashkil qilinganligi to'g'risida xabar bergan edik.Bugun, 5 yanvar kuni 2020/2021 o‘quv yilida universitetga yangi ishga qabul qilingan professor-o‘qituvchilar uchun tasdiqlangan dars jadvali asosida maxsus kurslar bo‘yicha o‘quvlar ikkinchi kuni bo'lib o'tdi. Ushbu o'quv darslarida universitet ilmiy faoliyati bilan yaqindan tanishtirish maqsadida BuxDU ilmiy ishlar va innovatsiyalar bo'yicha prorektori O.S.Qahhorov ishtirok etdi. 100 dan ortiq professor-o'qituvchilarga universitetda ilmiy faoliyat yuritish uchun yaratilgan shart-sharoitlar, grantlar, imtiyozlar to'g'risida ma`lumotlar berildi. Shunindek, o'quv darslarida BuxDU O'quv uslubiy boshqarmasi boshlig'i R.G'.Jumayev, Ilmiy-tadqiqot, innovatsiyalar va ilmiy pedagog kadrlarni tayyorlash bo‘limi boshlig'i G.T.Zaripov, lmiy-innovatsion ishlanmalarni tijoratlashtirish bo’limi boshlig'i O.O.Sayfulloyev, Buyurtmalar portfelini shakllantirish, bitiruvchilarni ishga taqsimlash va monitoring bo’limi boshlig'i B.I.Adizov hamda Axborot-texnologiyalari kafedrasi katta o'qituvchisi Z.Sh. Jo'rayevlar mavzular doirasida taqdimot qildilar. O'quv darslari davomida professor-o'qituvchilar o'zlarini qiziqtirgan savollarga batafsil javob oldilar.BuxDU Matbuot xizmati