11.01.2022

Bugungi kunda turli ziddiyatlar kuchayib borayotgan bir paytda yoshlarimizning ma'naviy immunitetini kuchaytirish, ularning bo‘sh vaqtini mazmunli o‘tkazish har qachongidan ham dolzarbroq ekanini zamonning o‘zi ko‘rsatib turibdi. Shu bois Prezidentimiz Sh.M.Mirziyoyev tomonidan ilgari surilgan 5 ta muhim tashabbus muhim ahamiyat kasb etadi. Davlatimiz rahbari ijtimoiy, ma'naviy-ma'rifiy sohalardagi ishlarni yangi tizim asosida yo‘lga qo‘yish bo‘yicha 5 ta muhim tashabbusni ilgari surganlari barchamizga  ayon. Endilikda bu tajribani yurtimizning barcha hududlarida keng joriy etish tobora rivojlanib bormoqda.Prezidentimiz o‘z nutqlarida “Biz yoshlarga doir davlat siyosatini hech og‘ishmasdan, qat'iyat bilan davom ettiramiz. Nafaqat davom ettiramiz, balki bu siyosatni eng ustuvor vazifamiz sifatida bugun zamon talab qilayotgan yuksak darajaga ko‘taramiz” degan fikrlari dastur sifatida barcha sohalarda o‘z ifodasini topmoqda. Jumladan, universitet rektori O.X.Xamidovning tashabbuslari bilan tashabbuskor, iste'dodli yoshlarning qobiliyatlarini namoyon etish, ularning bo‘sh vaqtlarini mazmunli o‘tkazilishini tashkil etish, yoshlarimiz qanchalik ma'naviy barkamol bo‘lsa, turli yot g‘oyalarga qarshi immunitet  ham shunchalik kuchli bo‘lishini inobatga olgan holda talabalar turar joyida har bir tashabbusning markazlari tashkil etildi. Markazlar faoliyat ko‘rsatishni boshlab, unda iqtidori va iste'dodiga qarab talabalarning ko‘rgazmalari, to‘garaklar faoliyati, sportning barcha turlari bo‘yicha musobaqalar, kitobxonlikni targ‘ib etuvchi yozuvchi va shoirlar, ziyolilar bilan adabiy uchrashuvlar,  axborot texnologiyalaridan foydalanish, zamonaviy va milliy raqs, qo‘shiqchilik, musiqa, rassomchilik, yosh qalamkash talabalar ishtirokida tadbirlar tashkil etilmoqda.Bundan tashqari  talabalar turar joyida kafedra kunlari rejalari tasdiqlanib, reja asosida kafedraning ilg‘or professor-o‘qituvchilari ishtirokida master-klasslar, taqdimotlar, zakovat intellektual o‘yinlari,  talaba qizlarning chevarlik, to‘quvchilik, pazandalik, san'at, rassomchilik va boshqa iqtidorlari aniqlanib, ular bilan doimiy ish olib borilmoqda.1-tashabbus bo‘yicha markaz: Badiiy va san’at to‘garaklarini o‘z ichiga olgan xona2-tashabbus bo‘yicha markaz: Talaba-yoshlarni jismoniy chiniqtirish va sport sohasida o‘z qobiliyatini namoyon qilishlari uchun shart-sharoitlar yaratish maqsadida xona tashkil etildi.3-tashabbus bo‘yicha markaz: Kompyuter texnologiyalari va internetdan samarali foydalanishni tashkil etish maqsadida kompyuter xonasi tashkil etilib 8 ta kompyuter foydalanish uchun o‘rnatilgan.4-tashabbus bo‘yicha markaz:Talaba-yoshlarni kitob o‘qishga bo‘lgan qiziqishlarini yanada oshirish maqsadida kutubxona va o‘quv zali tashkil qilindi.5-tashabbus bo‘yicha markaz:Talaba qizlarning faol va tashabbuskor bo‘lishlari uchun imkoniyatlar yaratib berish maqsadida maxsus tikuv xonasi tashkil etilib, 5 ta tikuv mashinalari o‘rnatildi.Yoshlar bilan ishlash, ma’naviyat va ma’rifat bo’limi