11.01.2022

Ma'lumki, O‘zbekiston Respublikasi Prezidenti Shavkat Mirziyoyev tashabbusi ostida mamlakatimizda Uchinchi Renessans poydevorini barpo etishdek katta islohotlar davrida davlatimiz rahbarining  2020 yil 29 dekabrdagi Oliy Majlisga Murojaatnomasida oliygohlar va ta'lim tizimining quyi bo‘g‘inlari o‘rtasidagi uzviylikni kuchaytirish, “Yangi O‘zbekiston – maktab ostonasidan, ta'lim-tarbiya tizimidan boshlanadi” degan g‘oya asosida keng ko‘lamli islohotlarni amalga oshirish, maktab bitiruvchilarini oliy ta'lim bilan qamrab olish darajasini 2020 yilda kamida 25 foizga va kelgusida 50-60 foizga yetkazish,  kelgusi yilda fizika va chet tillarni o‘rganish kabi ustuvor vazifalar belgilab berildi.Ushbu maqsad yo‘lida Buxoro shahridagi 32-umumta'lim maktabida hamkorlik shartnomasi asosida Buxoro davlat universiteti Xorijiy tillar fakulteti Tarjimashunoslik va lingvodidaktika kafedrasining filiali tashkil etildi. Filialning ochilish marosimida kafedraning barcha professor-o‘qituvchilari, maktab rahbariyati, ingliz tili o‘qituvchilari ishtirok etishdi. Kafedra mudiri N.F.Qosimova o‘zining taqdimotida o‘qituvchilarni kafedra faoliyati, ta'lim yo‘nalishlari bilan tanishtirib, hamkorlikdan asosiy maqsad – xorijiy tillarga bo‘lgan e'tiborni yanada oshirish, o‘qituvchi va talabalarning til bilish darajasini ko‘tarish, xorijiy tillarni o‘qitishning ustuvorligini anglagan holda o‘qituvchilarning nafaqat ingliz tili yo‘nalishida o‘z bilim-tajribasini  takomillashtirishda ko‘maklashish, balki kafedra imkoniyatlari doirasida lingva franka maqomini egallagan nemis va fransuz tillariga qiziqish uyg‘otish, shuningdek, ustoz-shogird an'analarini rivojlantirish jarayonida yosh o‘qituvchilarni ilmiy-tadqiqot ishlari bilan shug‘ullanishga jalb qilish ekanligini ta'kidlab o‘tdi. Ingliz tili mutaxassislari bilan bir qatorda maktabda faoliyat yuritayotgan boshqa soha o‘qituvchilarining ham  pedagogik va ilmiy salohiyatini oshirishda kafedra professor-o‘qituvchilarining  amaliy yordam berishga tayyor ekanligini bildirdi.Xorijiy tillar fakulteti Tarjimashunoslik va lingvodidaktika kafedrasi