11.01.2022

2020-yilning 15-dekabr kuni Buxoro davlat universitetida AQShning O‘zbekistondagi favqulodda va muxtor elchisi maslahatchisi Joanne Kramb rasmiy tashrif bilan bo‘ldi. Elchining ta’lim va madaniyat bo‘yicha maslahatchisini Buxoro davlat universiteti rektori, iqtisodiyot fanlari doktori, professor Obidjon Xamidov hamda BuxDU Xalqaro hamkorlik bo'yicha prorektori A.T.Jo'rayev qabul qildi. O‘zaro muzokaralarda ta’lim va madaniyat sohasida mamlakatlararo amalga oshirilayotgan ishlar ko‘lami, bu jarayonda har ikki mamlakat oliy ta’lim muassasalarining o‘rni, o'qituvchilar hamda talabalar almashinuvi  xususida so‘z yuritildi. Hamkorlik ko‘lami bo‘yicha taklif-mulohazalar bildirildi. Uchrashuvda BuxDU Tabiiy yo'nalishlarda chet tili kafedrasi mudiri, filologiya fanlari bo‘yicha falsafa doktori PhD Xodjayeva Dilafro‘z Izatilloyevna, BuxDU Xalqaro hamkorlik bo'limi boshlig'i M.Qilichov ishtirok etdilar.BuxDU Matbuot xizmati