11.01.2022

2020 yil 25-dekabr kuni talabalar turar joyida Xorijiy tillar fakulteti Ingliz adabiyotshunosligi kafedrasi o`qituvchisi Safarova Zilola Tolibovna tashabbusi bilan 11-1chi-20 va 11-2chi-20 guruh talabalari ishtirokida “Adabiyot yashasa - millat yashaydi” nomli badiiy tadbir tashkil etildi. Tadbirda Xorijiy tillar fakulteti dekani M.M. Jo`rayeva, BuxDU ma`naviyat ishlari bo`yicha uslubshunos M.S.Muxlisov,  ingliz adabiyotshunosligi kafedrasi professor-o`qituvchilari L.J.Jalilova, R.M. Xabibullayeva, Sh.Ch.Quvvatova, N.O`.Ochilova ishtirok etishdi. O`zbekiston xalq yozuvchisi Abdulla Oripov hamda atoqli o`zbek yozuvchisi O`tkir Hoshimov tavalludining 80 yilligiga bag`ishlangan tadbirni fakultet dekani M.M. Jo`rayeva ochib berdi.Ushbu tadbir chin ma’noda kitobsevar yoshlar o`rtasidagi bilimlar bellashuvi bo`lib, jamoalar guruh murabbiysi Safarova Zilola Tolibovna tashabbusi bilan to`rtta shart bo`yicha o`zaro bilimlarini sinashdi.  Tadbirga universitet ma’naviyat bo`limi uslubshunosi M.S. Muxlisov, ingliz adabiyotshunosligi kafedrasi katta o`qituvchisi J.L. Jalilova hamda R.M. Xabibullayevalar hakamlik qilishdi. Abdulla Oripov ijodidan o`qilgan ifodali she’rlar va O`tkir Hoshimov hikoyalaridan namoyish qilingan  sahna ko`rinishlari barchaga manzur bo`ldi. BuxDU Matbuot xizmati