“Umumta’lim maktablarining o`quv-laboratoriya asbob-uskinalari, zamonaviy o`quv-laboratoriya jihozlaridan ta’lim jarayonida samarali foydalanish usullari” mavzusidagi viloyat miqyosidagi amaliy –uslubiy seminar to`g`risida MA’LUMOTNOMA Joriy yilning 29 oktyabr kuni Viloyat xalq ta’limi boshqarmasining 2015 yil ish rejasiga ko`ra 2015 yil 19 oktyabrdagi 214-sonli buyrug`i ijrosini ta’minlash maqsadida Peshko` tumani 3-umumiy o`rta ta’lim maktabida “Umumta’lim maktablarining o`quv-laboratoriya asbob-uskinalari, zamonaviy o`quv-laboratoriya jihozlaridan ta’lim jarayonida samarali foydalanish usullari” mavzusidagi viloyat miqyosidagi amaliy –uslubiy seminar o`tkazildi. Bu amaliy-uslubiy seminarga Buxoro davlat universiteti va VPKQTMOI “Mahorat maktabi” trener o`qituvchilari taklif qilindi. Seminarda tuman(shahar) tabiiy fanlar metodistlari hamda 72 nafar tabiiy (kimyo, biologiya, fizika) fanlar yo`nalishidagi o`qituvchilar ishtirok etishdi. Seminar ochiq darslar festivali bilan boshlandi.Unda Peshko` tumani 3-umumiy o`rta ta’lim maktabining kimyo fani o`qituvchisi Dilmurod Gadoev “Uglerod (IV) oksidi hosil qilish va uning xossalari bilan tanishish” mavzusida amaliy ish, biologiya fani o`qituvchisi N.Z.Tursunova 6-sinflar uchun “Umumlashtiruvchi dars”, Peshko` tumani 4-IDUMIning fizika fani o`qituvchisi Z.A.Shoboeva “Jismlarning o`zaro ta’siri. Kuch” mavzusidagi ochiq darslar o`tkazildi. Darslar seminar ishtirokchilari tomonidan tahlil qiliindi va o`zaro tajriba almashdilar. Shundan so`ng Buxoro davlat universiteti “Fizika” kafedrasi katta o`qituvchisi B.B.Qobilov “O`quv eksperimentdan foydalanishda didaktik talablar”, “”Kimyo” kafedrasi dosenti E.D.Niyozov “Kimyo fanidan laboratoriya o`quv xonalarining jihozlanishi”, “Biologiya” kafedrasi katta o`qituvchisi B.I.Jabborov “Biologiya fanidan laboratoriya o`quv xonalarining jihozlanishi” kabi mavzulari bilan I, II, III sho`’balarda qatnashdilar.I sho`’ba ishlarida Buxoro shahar 18-maktabning o`quv tarbiya ishlar bo`yicha direktor o`rinbosari, fizika fani o`qituvchisi N.Q.Rafiqova “Fizika darslarida o`quv jihozlaridan foydalanish va xona jihozlarini ruyxatdan o`tkazish tartibi”mavzusida, Jondor tuman xalq ta’limi muassasalari faoliyatini metodik ta’minlash va tashkil etish bo`limi fizika fani metodisti M.M.Boboev “Fizika fani darslarida vertual laboratoriyalardan foydalanish” mavzusida taqdimotlari bilan seminar qatnashchilarini tanishtirdilar va o`z tajribalari bilan o`rtoqlashdilar. II sho`’ba ishlarida Buxoro shahar 1-umumta’lim maktabining kimyo fani o`qituvchisi M.J.Raximova “Kimyo o`quv laboratoriya xonasidagi jihozlarni saqlash va hujjatlarni yuritilish tartibi”mavzusida, 7-maktab kimyo fani o`qituvchisi Z.B.Narzullaeva “Laboratoriya va amaliy mashg`ulotlarga tayyorgarlik ko`rish va ular bo`yicha metodik tavsiyalar”, 28-maktab kimyo fani o`qituvchisi Sh.Boltaeva “7-9-sinflarda vertal laboratoriya” mavzularida ma’ruza qildilar. III sho`’ba ishlarida Buxoro shahar 35-umumta’lim maktabining o`quv tarbiya ishlar bo`yicha direktor o`rinbosari, biologiya fani o`qituvchisi Q.A.Boltaeva “Biologiya darslarida ilg`or pedagogik texnologiyalardan foydalanish ” mavzusida, 35-umumta’lim maktabining biologiya fani o`qituvchisi N.B.Xoshimova “Laboratoriya va amaliy mashg`ulotlarga tayyorgarlik ko`rish va ular bo`yicha metodik tavsiyalar” mavzusida maruza va tag`dimot qildilar. Seminarda “Mahorat maktablari ishi samaradorligini oshirish masalalari” mavzusida VMM rahbari Z.Hojieva ma’ruza qildilar.Seminar savol-javob baxs munozara bilan yakunlandi. Tayyorladi: M.NuralievaVMM mutaxassisi
