11.01.2022

BuxDU Fizika kafedrasi professor-o’qituvchilari bilan Rossiya Federatsiyasi M.V.Lomonosov nomidagi Moskva davlat universiteti proffessori, fizika-matematika fanlari doktori Xolmurod Hasanov bilan ilmiy uchrashuv bo’lib o’tdi. Xolmurod Hasanov “Исследование взаимодействия спирально неустойчивой сверхзвуковой струи с холодной плазмой (Spiralsimon barqaror bo’lmagan tovush tezligidan yuqori tezlikdagi havo oqimining sovuq plazma bilan o’zaro ta’sirini tadqiq qilish)” mavzusida ma’ruza qildi.Ma’ruzachining 50 dan ortiq maqolalari nufuzli chet el ilmiy jurnallarida nashr qilingan. Qohiradagi Xalqaro simpoziumda qilingan ma’ruza bo’yicha oltin medal sohibi bo’lgan. 2001 yildan buyon shu tadqiqot ustida ilmiy izlanishlar olib borgan. Tadqiqotning asosiy maqsadi energiya tejamkorlikka erishish. Xolmurod Hasanov ixtiro qilgan soplodan foydalanilsa, xona haroratidagi 1000 m/s tezlikdagi havo shu soplodan yuborilsa metall eritish pechlari, qozonxonalarda 70% gacha energiya tejamkorligiga erishish mumkinligi aytildi. Moskva davlat universiteti va Buxoro davlat universiteti orasidagi hamkorlik shartnomasiga asosan prof. X.Hasanov BuxDU fizika ta’lim yo’nalishi talabalariga ma’ruzalar  o’tishga, onlayn darslar o’tkazishga va magistr hamda doktarantlarga rahbarlik qilishga kelishib olindi. Shu bilan birga prof. X.Hasanov ilmiy tadqiqot natijalaridan Buxoro viloyat qishloq  xo’jaligi  va sanoat korxonalarida foydalanilayotganligini ishonarli dalillar bilan gapirib berdi. Ma’ruza savol-javoblar, ilmiy bahslar va do’stona muloqot  ruhida  o’tdi va ilm ahlida katta taassurot  qoldirdi.BuxDU Matbuot xizmati