11.01.2022

Buxoro davlat universiteti qo’shma ta`lim dasturlari sanalmish Xolon texnologiya instituti, Vatel mehmonxona va turizm biznes-maktabi hamda Qozon federal universiteti talabalari, dekan Raximov Olim Hamidovich boshchiligida ta’til kunlarini mazmunli o’tkazish, o’rganilgan nazariy bilimlarni amalda qo’llash, shahrimiz tarixi va turizmi bo’yicha yanada ko’proq bilimga ega bo’lish maqsadida “7 pir” marshruti bo’ylab sayohat uyushtirildi. Sayohat davomida ham ziyorat turizmi, ham diniy turizm turlari hamohang olib borilgan bo’lib, talabalar tomonidan hamda har bir pirdagi biriktirilgan gidlar tomonidan qiziqarli ma’lumotlar bilan to’ldirib borildi.Buxoro 2020 yili Islom madaniyati poytaxti deb e’lon qilingandan so’ng, ziyorat obyektlariga yanada e’tibor kuchaydi. Obyektlardagi info sentrlarning hamda boshqa infratuzilmalarning mavjudligi talabalar tomonidan o’rganildi. Ekskursiya yakunida talabalar o’z fikrlari bilan bo’lishib, takliflarini bildirishdi. Ekskursiya davomida Turizm va mehmonxona xo’jaligi o’qituvchilari Djafarova N.A. va Kadirova SH.X. tomonlaridan hamrohlik qilindi.