11.01.2022

“Yoshlarni kitob o‘qishga bo‘lgan qiziqishini kuchaytirishga, ularning kitob bilan do‘st bo‘lishiga, aholining kitobxonlik saviyasini yanada oshirishga alohida e’tibor qaratish lozim”.Sh.MirziyoyevKitob – tafakkur qanoti. Bu qanot mustahkam bo‘lsa, yuksak kengliklar sari intilishdan tolmaydi. Kitobga bo‘lgan qiziqish o‘sib kelayotgan yosh avlodning ma’naviy dunyosini boyitishga xizmat qiladi. Har bir inson kitoblar orqali uning ma’naviy xazinasidan, cheksiz imkoniyatidan iloji boricha ko‘proq foydalanib, o‘zining, o‘zgalarning hayotini mazmunan boyitishi mumkin. Bugun yoshlarning kitob o‘qishga bo‘lgan qiziqishlarini yuksaltirish maqsadida keng ko‘lamli ishlar amalga oshirish maqsadida 2017 yil 13 sentyabrdagi “Kitob mahsulotlarini nashr yetish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ib qilish bo‘yicha kompleks chora-tadbirlar dasturi to‘g‘risida”gi PQ-3271-son, O‘zbekiston Respublikasi Prezidentining 2019 yil 7 iyundagi “O‘zbekiston Respublikasi aholisiga axborot-kutubxona xizmati ko‘rsatishni yanada takomillashtirish to‘g‘risida”gi PQ-4354-son qarorlari, shuningdek, Prezidentimiz tomonidan yoshlar ma’naviyatini yuksaltirish va ularning bo‘sh vaqtini mazmunli tashkil yetish bo‘yicha ilgari surilgan 5 ta muhim tashabbusdan biri - yoshlar ma’naviyatini yuksaltirish, ular o‘rtasida kitobxonlikni keng targ‘ib qilish borasidagi ishlarimizda dasturilamal bo‘lmoqda.Filologiya fakulteti axborot resurs markazida ham shunday ezgu va xayrli ishlar amalda doimiy davom etib kelmoqda. Yurtboshimizning“Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ibot qilish bo‘yicha komissiya tuzish to‘g‘risida”gi farmoyishi ayni vaqtida qabul qilingan zaruriy xujjat bo‘ldiki, unda belgilangan vazifalarning bandma-band bajarilishi jamiyatimiz ma’naviy-ma’rifiy hayotida tub burilish yasaydi deyishimizga to‘la asos bera oladi. Fakultet olimlari tomonidan butun mamlakat bo‘ylab nashr etilayotgan kitoblarning o‘z vaqtida kitobxonlarga yetkazib berilishini ta’minlash, shu bilan  birga talabalar orasida kitob mutolaasi va kitobxonlik darajasining yanada ortishiga mustahkam huquqiy zamin yaratilgan. Shunday xayrli ishlar davomi sifatida bugun filologiya fanlari nomzodi dosent B.E.Qilichev ham yoshlar orasida badiiy jihatdan yuksak, intellektual saviyani o‘stirishga xizmat qiladigan jahon adabiyotining noyob durdonalari sanalgan 30 dan ortiq kitoblarni fakultet axborot resurs markaziga taqdim etdi. Olimga fakultet dekani va axborot resurs markazi xodimlari tomonidan chuqur minnatdorchilik bildirildi. Kitob-ruhiyatimiz ozuqasi, u bilan do‘stlashish nafaqat bizni ma’nan yuksaltiradi, balki jahonga tanitadi, ezgulikka yetaklaydi.BuxDU Filologiya fakulteti Matbuot xizmati