11.01.2022

Hozirgi  kunda terrorizm – asr vabosi butun dunyo bo’ylab keng tarqalmoqda. Afsuski, O’zbekistonni ham chetlab o’tmaganidek, hozirgi kunda o’zbek yoshlarining ba’zilari o’zi bilmagan holda shu oqimga qo’shilib qolmoqda. Ularning ba’zilari o’qishini bitirmay turib chet ellarga ish izlab borib shu yo’lga kirib qolishlari sabab bo’lmoqda. Shu sababli Respublikamizdagi har bir oily ta’lim muassasalarining, shu jumladan, Buxoro davlat universiteti rahbariyati tomonidan universitetning  ijarada turadigan talabalar bilan alohida ishlash ko’zda tutilgan. Shuni inobatga olib Tarjimashunoslik va lingvodidaktika kafedrasi tarjima nazariyasi ta’lim yo’nalishi guruhlaridagi ijarada va talabalar turar joylarida istiqomat qiladigan talabalar bilan guruh murabbiylari alohida ish olib bormoqda. Shu jumladan,  11-4TNA-20 guruhida 13 nafar talaba ta’lim oladi. Shulardan 8 nafar talaba ijarada istiqomat qiladi. Guruhning faol a’zolari va guruh murabbiyi Buxoro shahar Alpomish ko’cha 9-uy 33-xonadonda ijarada istiqomat qilib keluvchi talabalar Ismatova Gulniso va Zokirova Madinalarning ijara xonadoniga tashrif buyurildi.U yerning shart- sharoitlari bilan tanishildi. Xonadonda birgalikda yashaydigan xonadoshlarining qayerdan ekanligi, qayerda ta’lim olayotganligi, qanday xulq-atvor, xarakterga ega ekanligi, muomala madaniyati, xonadonga kimlar kelib-ketishi bilan tanishildi. Shu jumladan, qo’shnilari va mahalla faollari bilan ham suhbatlashildi. Qo’shnilardan bu xonadonga kelib- ketadigan odamlar haqida ham ma’lumot olindi. U yerda istiqomat qiladigan har bir talabalarga turli xil diniy oqimlarga, xususan, terrorizmga qo’shilib ketmasligini alohida uqtirildi. Ular bilan shu xususida davra suhbatlari olib borildi. Dunyoda ro’y berayotgan turli xil ko’ngilsiz voqealarning ularning hayotiga tahdid qilishi mumkinligi alohida ta’kidlab o’tildi. Yoshlar o’rtasida sodir etilayotgan jinoyatchilik masalasi batafsil muhokama qilindi. Bu borada ahvol tashvishlanarlidir. Achinarlisi shuki, akademik litsey, kasb-hunar kollejlari va oliy ta’lim muassasalarining talabalari tomonidan o’ta og’ir jinoyatlar sodir etilmoqda. Bu davra suhbatida yoshlar orasida jinoyatchilikni oldini olish va mas’uliyatni yanada oshirish alohida ta’kidlanib o’tildi.BuxDU Matbuot xizmati