11.01.2022

Buxoro davlat universiteti Tabiiy fanlar fakulteti Organik va fizkolloid kimyo kafedrasi 2-5kim18 guruh talabalariga 2020-2021 o‘quv yilida L.N. Gumilyov nomidagi Yevroosiyo Milliy universiteti professori, k.f.d. S.B. Raxmadiyeva Bioorganik kimyo fanidan 32 soat ma’ruza o‘tishlari rejalashtirilgan. Ma’ruzachi universitet talabalariga darslarni zoom platformasida o‘tishi uchun barcha shart-sharoitlar yaratilgan. Darslar 2020 yil 24 dekabr kunidan boshladi va bugunga qadar 18 soat o‘tildi. Bioorganik kimyo fanini o‘qitishdan asosiy maqsad – talabalarga bioorganik kimyo bilan o‘rganiladigan sohalar to‘g‘risida, muhim sinf moddalarining vakillari haqida tushuncha berish, soha bo‘yicha olib boriladigan tadqiqot usullari, tabiiy birikmalar va ularning hayot faoliyatidagi o‘rni, biologik faollikka ega sun’iy organik birikmalar bilan tanishtirishdan hamda ularni amaliyotda tatbiq etish ko‘nikmasini hosil qilishdan iboratligi k.f.d. S.B. Raxmadiyeva  tomonidan birinchi ma’ruzada aytib o‘tildi. Ma’ruza rus tilida yangi pedagogik texnologiyalar asosida olib borilmoqda. Barcha talabalar onlayn darsning tashkil etilishidan mamnun bo‘lib, universitet ma’muriyati va Organik va fizkolloid kimyo kafedrasi tashkilotchilarga o‘z minnatdorchiligini bildirmoqda.