11.01.2022

Buxoro davlat universiteti Iqtisodiyot va turizm fakulteti rahbariyati Oliy va o‘rta maxsus ta’lim Vazirining 2020 yil 28 noyabr kuni videoselektor tarzda o‘tkazilgan yig‘ilishida berilgan topshiriqlariga asosan Respublikamizning yetakchi OMTlariga tajriba almashish safarini davom ettirgan holda, 2020 yilning 10 dekabr kuni Muhammad al-Xorzmiy nomidagi Toshkent axborot texnologiyalari universitetida hamda Toshkentdagi Vestminster xalqaro universitetida bo‘lishdi.Tashrif davomida fakultet delegasiya a’zolari Toshkent axborot texnologiyalari universiteti va Toshkentdagi Vestminster xalqaro universitetida o‘quv-tarbiya jarayonlarining, ilmiy-tadqiqot, xalqaro va mahalliy darajadagi hamkorliklar, moddiy-texnik ta’minot ahvoli, ishlab chiqarish bilan hamkorlik, bitiruvchilar bilan ishlash, milliy va halqaro reytinlardagi o‘rinni oshirish bo‘yicha qilinayotgan ishlar bilan tanishishdi.  Safar davomida Buxoro davlat universiteti bilan Toshkent axborot texnologiyalari universiteti va Toshkentdagi Vestminster xalqaro universitetilari o‘rtasida o‘quv jarayonlarini tashkil etishda, ilmiy-tadqiqot ishlarini oshirishda, adabiyotlar yaratishda hamkorlikka kelishib olindi.  Iqtisodiyot va turizm fakulteti jamoasining respublikamizning boshqa OTMlarida tajriba almashish safari davom etadi.BuxDU Matbuot xizmati