11.01.2022

2021 yilning 8-yanvar kuni BuxDU Tabiiy yo’nalishlarda chet tili kafedrasi katta o’qituvchisi V.T.Babayeva tomonidan Buxoro shahar 25-umumta’lim maktabida O’zbekiston Respublikasi Prezidenti Sh.M.Mirziyoyevning Oliy Majlisga va xalqqa bildirgan murojaatnomasi  ijrosini ta’minlash maqsadida “Yangi O’zbekistonda erkin va farovon yashaylik” shoiri ostida davra suhbati o‘tkazildi. Ushbu davra suhbatida Tabiiy yo’nalishlarda chet tili kafedrasi o’qituvchisi D.Ya.Shigabuddinova, 25-umumta’lim maktabi 32 nafar o’quvchi hamda o’qituvchilari.  BuxDU katta o’qituvchisi V.T.Babayeva davra suhbatida  O’zbekiston Respublikasi Prezidenti Sh.M.Mirziyoyevning Oliy Majlis va xalqqa bildirgan murojaatnomasi ijrosini ta’minlash to’g’risida gapirib o’tdi. Uning so’zlariga ko’ra pedagoglar uchun bu yil juda katta burilish bo’ladi. Jahon Sog’liqni Saqlash Tashkiloti xabariga ko’ra, hali pandemiya davri davom etishi mumkin, ammo biz bu davrda erishilgan yutuqlarga mahliyo bo’lmasdan, respublikamizning barcha sohalarida rivojlanishlarga erishmog’imiz darkor. Ayniqsa, biz o’qituvchilar ta’lim sohasidagi islohotlarni amalga oshirishda o’z hissamizni qo’shishimiz kerak. Shu jumladan, ta’lim sohasi to’g’risida Prezidentimiz aytib o’tgan quyidagi ustuvor vazifalarni yana bir bor esga olsak yaxshi bo’lardi. “Keyingi yildan boshlab ta’limga ajratiladigan davlat grantlari soni 25%ga, OTMga qabul qilishda ehtiyojmand oilalar qizlari uchun grantlar soni 2000 nafarga yetkaziladi. Ilg’or xalqaro amaliyot asosida, dotsent va professor ilmiy unvonlari, falsafa va fan doktori ilmiy darajalarini berish vakolati o’z yo’nalishi bo’yicha nufuzli bo’lgan oliygohlarning ilmiy kengashlariga o’tkaziladi. Ushbu maqsadlar uchun byudjetdan qo’shimcha 240 mlrd. so’m ajratiladi va ilm-fan sohasidagi doktorantlar soni 4,5 mingtaga oshiriladi.” – dedi davlatimiz rahbari. Bundan tashqari, kelgusi yilda “Fizika” va “Chet tillari” o’qitish ta’limning ustuvor yo’nalishlari etib belgilandi. Prezident fizika haqida: bu fanni chuqur egallamasdan turib, bugun zamon talab qilayotgan sohalarda yuqori natijalarga erishib bo’lmaydi. “Fizika bo’yicha Farg’oniy nomidagi olimpiada tashkil etiladi”, – deb ta’kidladi yurtboshimiz. – “El-yurt umidi” jamg’armasi orqali yetakchi xorijiy oliy o’quv yurtlarining magistratura va doktoranturasida o’qishga yuboriladigan yoshlar soni 5 baravarga oshiriladi. A’lo baholarga o’qiyotgan, ijtimoiy himoyaga muhtoj qizlar uchun maxsus stipendiyalar joriy etiladi; 65 ta akademik litsey oliy o’quv yurtlari tasarrufiga o’tkaziladi; 187 ta texnikum ham o’z yo’nalishi bo’yicha turdosh oliygoh va tarmoq korxonalariga biriktiriladi. Ayniqsa, yaqinda bo’lib o’tgan Yoshlar forumida yigit-qizlarimizning yonayotgan chanqoq ko’zlarini, bilimga bo’lgan ishtiyoqlarini ko’rib, men juda katta kuch oldim va ular Ibn Sino aytgan jasur va qat’iyatli yoshlar ekanligiga yana bir bor amin bo’ldim. Ishonchim komilki, biz qudratli ijodiy salohiyatga ega bo’lgan bunday bilimli yoshlar bilan birgalikda Yangi O’zbekistonni barpo etamiz" deydi o'z so'zlarida BuxDU katta o'qituvchisi  Shuningdek, yig’ilish yakunida muallim kasbiga Prezidentimiz tomonidan  berilgan yuqori maqom aytib o’tildi: “Muallim obro’yini yuqori cho’qqiga chiqarsak, vaqt o’tib, bu o’zining juda katta natijasini beradi. Pedagoglarni rag’batlantirish ishlari kelgusi yilda ham davom ettiriladi”.BuxDU Tabiiy yo’nalishlarda chet tili kafedrasi katta o’qituvchisi V.T.Babayeva