11.01.2022

Yoshlar masalalari bo’yicha viloyat idoralararo kengashining 2020 yil 18 dekabrdagi majlisi bayoni bilan tasdiqlangan viloyatda “Yoshlar festivali”ni tashkil etish va o’tkazish bo’yicha chora-tadbirlar dasturining 32-bandida Buxoro davlat universitetida oliy ta’lim muassasalari talabalari o’rtasida “Zakovat” intellektual o’yinini tashkil etish vazifasi belgilangan. Shu munosabat bilan, Buxoro davlat universiteti Yoshlar ittifoqi boshlang’ich tashkiloti tomonidan talabalar turar joyining foyesida oliy ta’lim muassasalari talabalari o’rtasida “Zakovat” intellektual turniri tashkil etildi.Turnir 3 ta turda o’tkazildi. Har bir turnirda 7 tadan savol o’qildi, jami 21 ta savol o’ynaldi. Turnirda Buxoro davlat universitetining fakultet jamoalari, Toshkent irrigatsiya va qishloq xo’jaligini mexanizatsiyalash muhandislari instituti Buxoro filialining “Irrigator” hamda Buxoro davlat tibbiyot institutining “Gippokrat” jamoasi, jami 11 ta jamoa ishtirok etdi. Turnir boshida Buxoro davlat universiteti Yoshlar bilan ishlash bo’yicha prorektor A.M.Kadirov so’zga chiqib, jamoalarga omad tiladi. Shundan so’ng Yoshlar ittifoqi yetakchisi F.R.Karimov so’zga chiqib, “Zakovat” intellektual o’yini shartlarini hamda hakamlar hay’ati a’zolarini jamoalarga tanishtirdi. Turnirda Iqtidorli talabalarni ilmiy-tadqiqot faoliyatini tashkil etish bo’limi boshlig’i A.F.To’rayev, Buxoro davlat tibbiyot instituti Umumiy xirurgiya kafedrasi asistenti B.B.Ubaydulloyev hakam sifatida ishtirok etishdi. Turnir natijalariga ko’ra Buxoro davlat tibbiyot institutining “Gippokrat” jamoasi faxrli 1-o’rinni, Pedagogika fakultetining “IQ” jamoasi faxrli 2-o’rinni, Agronomiya va biotexnologiya fakultetining “Смелые биологи” jamoasi faxrli 3-o’rinni egallab, Buxoro davlat universiteti Yoshlar ittifoqi boshlang’ich tashkiloti yetakchisi F.R.Karimov tomonidan 1-, 2-, 3-darajali diplomlar bilan, qolgan jamoalar esa turnirda faol ishtirok etganliklari uchun tashakkurnomalar bilan taqdirlandi. “Zakovat” intellektual o’yini jamoa a’zolariga ajoyib va koʻtarinki ruh bagʻishladi!BuxDU Matbuot xizmati