11.01.2022

Prezident Shavkat Mirziyoyev huzurida ilm-fan masalalariga bag‘ishlab 2020- yil 3- dekabr kuni o‘tkazilgan selektor yig‘ilishida belgilangan vazifalar ijrosini ta’minlash maqsadida Buxoro davlat universiteti olimlaridan iborat ishchi guruh Shofrikon tuman hokimligida bo‘lishdi. Tashrifdan maqsad - tumanning hozirgi rivojlanish holatlarini tahlil qilgan holda, 2021-2023 yillarga ijtimoiy-iqtisodiy rivojlantirish dasturini ishlab chiqish. Bunda universitet olimlarining ilmiy salohiyatidan foydalangan holda tuman rivojlanishida yuzaga kelgan vaziyatni tahlil qilish, mavjud imkoniyatlarni o‘rganib, tumanni ijtimoiy-iqtisodiy rivojlantirishga ilmiy asoslangan taklif va tavsiyalarni ishlab chiqish, hududning o‘sish nuqtalari va samarali rivojlanuvchi tarmoqlarini aniqlash orqali iqtisodiy o‘sishiga erishish. Uchrashuvda asosiy e’tibor ilm-fan va innovatsiyalarni qo‘llash orqali, tumanda iqtisodiy o‘sishga erishish, aholining yashash sharoitlarini yaxshilash masalalariga qaratildi. Jumladan, Buxoro davlat universitetidagi mavjud ilmiy salohiyatdan samarali foydalangan holda, Shofrikon tumanida sanoat, qishloq xo‘jaligi, xizmat ko‘rsatish sohasi, tibbiyot, infratuzilma tarmoqlari samaradorligi, kadrlar ta’minoti masalalari yechimlari bo‘yicha taklif va tavsiyalarni ishlab chiqishga kelishib olindi. BuxDU Matbuot xizmati