11.01.2022

Respublikamizdagi har bir tashkilot va muassasaning ichki tartib qoidalari mavjud bo‘lib, unga mazkur tashkilot va muassasada faoliyat olib borayotgan xodim yoki talaba unga amal qilishi lozim hisoblanadi.  Buxoro davlat universitetining ham ichki tartib qoidalari hamda “BuxDU odob-axloq qoidalari” mavjud bo‘lib unda universitetda faoliyat olib borayotgan barcha pedagog-xodimlar va talabalar amal qilishi lozim bo‘lgan jihatlar mavjud. Universitetga ishga qabul qilinuvchi har bir pedagog-xodim va talaba bo‘lish baxtiga muyassar bo‘lgan talabalar birinchi navbatda “BuxDU odob-axloq qoidalari” bilan tanishtiriladi va tanishib chiqqandan so‘ng belgilangan ichki tartib qoidalarga amal qilmagan taqdirda ichki tartib qoidalarga muvofiq chora ko‘rilishi yuzasidan ogohlantiriladi. Ayni vaqtda atrofni kuzatadigan bo‘lsak misol tariqasida hattoki voyaga etmaganlar ham soqol qo‘yishni odat qilishdi. Oliy ta’lim dargohida tahsil oladigan talaba soqolda kelsa maqsadlimikan? Xulosa qilish kuzatuvchilardan...Oliy ta’lim dargohida tahsil oladigan talaba bilimi, aql-zakovati va yurish turishi bilan yoshlarga o‘rnak bo‘lishi va ularni ergashtira bilishi lozim hisoblanadi.2020-2021 o‘quv yilida universitetda kunduzgi ta’lim shakli bo‘yicha tahsil oladigan talabalar soni 20202 nafar hisoblanadi. Buxoro davlat universitetining 7 ta Talabalar turar joyi mavjud bo‘lib, unga 2100 nafar talaba joylasha oladi.  Talabalar turar joyiga birinchi navbatda nogironligi bo‘lganlar, ijtimoiy himoyaga muhtoj bo‘lganlar, chin etimlar, uzoq viloyatlardan kelgan va xorijliklar so‘ngra viloyatdagi chekka xududlardan keladigan talabalar joylashtirildi.Azal azaldan insonparvarlik xislati barchamizning qon qonimizga singib ketgan. Bunga misol sifatida viloyatimizdagi tabiiy ofat, Sardobadagi texnogen holat hamda pandemiya davrida yolg‘iz keksalar, ijtimoiy himoya muhtojlarga beminnat yordam ko‘rsatgan universitetning fidoyi jamoasi Talabalar turar joyi umumiy  ehtiyojni qoplamasligi munosabati bilan barcha universitet ma’muriyati boshchiligida fakulьtet dekanlari, dekan o‘rinbosarlari, kafedra mudirlari, jamoat tashkilotlari etakchilari va ko‘ngilli yoshlardan iborat guruh shakllantirib, talabalarni ijara xonadonlariga joylashtirish bo‘yicha tinimsiz mehnat qilmoqda. Shaxsan fakulьtet dekanlari har bir talabaning ota onasi bilan muloqotda bo‘lib vaziyatni tushuntirmoqda va ularga ko‘mak qilmoqda. Yashash joyiga borib kelishga imkoni bo‘lmaganlarga birinchi navbatda yashashi uchun joy topib berishga harakat qilinib turgan bir vaqtda qanday qilib hech qanday joy yo‘qligi haqidagi sabablar inobatga olinmas ekan? Kurakda turmaydigan so‘zlar. Shu so‘zni yozgan ham universitet nufuzini yanada oshirish yo‘lida tinimsiz mehnat qilib kelayotgan jamoaning oyog‘iga bolta urishni maqsad qilmadimikin? - degan savolni berging keladi.Vazirlar Mahkamasining “Butunjahon Internet tarmog‘ida axborot xavfsizligini yanada takomillashtirish chora-tadbirlari to‘g‘risida”  2018 yil 5 sentyabrdagi 707-son qaroriga muvofiq veb-saytning va (yoki) veb-sayt sahifasining egasi, shu jumladan bloger veb-saytga va (yoki) veb-sayt sahifasiga axborotni joylashtirishdan avval uning to‘g‘riligini tekshirishi, shuningdek, joylashtirilgan axborotning noto‘g‘riligi aniqlangan taqdirda  uni darhol o‘chirib tashlashi shart etib  belgilangan. Ba’zi ijtimoiy tarmoqlar ham beradigan axborotlarini berishdan oldin asl holatni tekshirib ko‘rishsa yaxshi bo‘lardi. Ba’zi o‘ylamay yozgan shaxslarning kasriga butun jamoa nomini yomonga chiqarish maqsadsiz hisoblanadi.Buxoro davlat universiteti Axborot xizmati