+998 (65) 221 29 06

+998 (65) 221 30 46

Green Metrics University Rankings The Higher Education University Rankings QS Asian University Rankings

Yangiliklar

  1. Bosh sahifa  
  2. Yangiliklar  
  3. BUXDU JAMOASI UNIVERSIADA-2020 SPORT MUSOBAQALARI…

BUXDU JAMOASI UNIVERSIADA-2020 SPORT MUSOBAQALARIDA BIRINCHI O'YINDA ZAFAR QUCHISHDI, BUGUN ESA ULAR FINALDA

11.01.2022

O'zbekiston Respublikasi Vazirlar Mahkamasining 2018 yil 25 oktabrdagi "O'quvchi va talaba yoshlar o'rtasida o'tkaziladigan respublika sport musobaqalari tizimni yanada takomillashtirish to'g'risida"gi 864-son qaroriga muvofiq joriy yilning 14-17-dekabr kunlari Farg'ona viloyatida futbol sport turi bo'yicha erkaklar o'rtasida "Universiada 2020" sport musobaqalarining Respublika final bosqichi o'tkazilishi rejalashtirilgan edi. Shu munosabat bilan 2020-yilning 12-dekabr kuni Buxoro davlat universiteti rektori Obidjon Xamidov Farg'onaga jo'nab ketayotgan Buxoro davlat universiteti jamoasi bilan yaqindan suhbat qurib ularga omadlar tiladi, shuningdek universitetimizni sha`nini munosib himoya qilish uchun o'z kuch-g'ayratlarini ayamasdan o'yin bahslarida munosib ishtirok etishlarini ta`kidladi. Kuni kecha Fargʻona viloyatida mazkur oʻyinlar dasturidan oʻrin olgan futbol musobaqalariga start berildi. Unda hududiy bosqichlarda gʻoliblikni qoʻlga kiritgan Jizzax, Buxoro, Qashqadaryo hamda Fargʻona viloyatlari jamoalari gʻoliblik uchun bahs olib borishdi. Qurʼa natijalariga koʻra yarim final juftliklari aniqlandi. Yarim finalning dastlabki oʻyinida Buxoro davlat universiteti jamoasi katta tashabbusga ega boʻlishdi va yirik – 3:0 hisobida gʻalaba qozonishdi. Bugun boʻladigan final oʻyinida Buxoro hamda Fargʻona viloyati talaba futbolchilari oʻzaro kuch sinashadi. Mazkur oʻyin Fargʻona Davlat universiteti stadionida tashkil etiladi. Bugungi o'yinda jamoamizga omadlar tilaymiz!BuxDU Matbuot xizmati