11.01.2022

2020 yilning 16-dekabr kuni ijtimoiy tarmoqlardan birida, Buxoro davlat universiteti “Boshlang‘ich ta’lim” nomi bilan tashkil etilgan telegram guruhida “2-mutahassislikka qabul qilingan talabalarga turli yo‘llar bilan yig‘imlar olinayotganligi, kanstovar mahsulotlari ham talabalardan talab qilayotganligi”  haqida yozishma chop etilgan. Buxoro davlat universiteti rahbariyati doimiy ravishda korrupsiya va qonunbuzarlik holatlariga murosasiz ravishda kurashayotganini bildirgan holda ushbu holat yuzasidan o‘rganib chiqib, shuni ma’lum qiladiki, 2 – mutaxassislik talabalari orasida universitet ma’muriyatiga yuqoridagi masala yuzasidan murojaat bo‘lmagan. Bundan tashqari boshlang‘ich ta’lim yo‘nalishiga qabul qilingan talabalar uchun universitet faoliyati, professor-o‘qituvchilar va universitet jamoasi bilan tanishuv darslari tashkil etildi hamda qolgan darslar 1-13 fevralgacha onlayn tarzda olib borilishi rejalashtirilgan, ya’ni bunda talabalar kitob, o‘quv qo‘llanma singari o‘quv materiallaridan BuxDU moodle platformasi orqali elektron tarzda foydalanishadi.Shuningdek, yillik kanstovar mahsulotlariga ehtiyoj oldindan, doimiy shakllantirib borilib, barcha bo‘limlar va fakultetlar kanstovar mahsulotlari bilan doimiy ta’minlanib kelinayotganini ma’lum qilamiz.Buxoro davlat universiteti keng jamoatchilik, blogerlar, talabalar va professor - o‘qituvchilar bilan doimiy hamkorlik qilishga tayyor. Agar sizdan asossiz ravishda  qo‘shimcha yig‘imlar hamda hujjatlar talab qilinsa, universitet rektori virtual qabulxonasiga, telegramdagi  @buxduuz_bot botiga murojaat qilishingiz so‘raladi.BuxDU Matbuot xizmati