11.01.2022

Kuni kecha Viloyat prokuraturasi tashabbusi bilan O‘zbekiston Respublikasi Konstitutsiyasining 28 yilligiga bag‘ishlab “Kitobxon shaharchasi” mavzusida tadbir tashkil etildi. Tadbir 5 ta muhim tashabbusning 4 chisi “Kitobxonlik madaniyatini oshirish hamda kitobxonlikni keng targ‘ib etish” shiori ostida tashkil etilib, unda O‘zbekiston Xalq artisti Erkin Komilov, O‘zbekiston san'at arbobi Muhammad Rafiqov, Buxoro davlat universiteti professorlari tarix fanlari doktori Shodmon Hayitov, Halim To‘raevlar o‘z maruzalari bilan  ishtirok etdilar. Tadbir davomida kitobxonlikni keng targ‘ib etish maqsadida kitob yarmarkasi, san'at maktablari tomonidan ko‘rgazmalar tashkil etildi. Kitob yarmarkasida xorijiy, diniy, badiiy, o‘quv hamda mutaxassislikka oid adabiyotlar  keng o‘rin oldi. Tadbirda universitetning talabalari tomonidan she'rlar aytildi. Shuningdek, “Eng keksa kitobxon”, “Eng kitobxon oila”, “Eng yosh kitobxon” nominatsiyalari bo‘yicha tanlov g‘oliblari taqdirlandilar.BuxDU Matbuot xizmati