Ma’lumki, istiqlol yillarida ma’naviy qadriyatlarimiz, milliy urf-odat va an’analarimiz tiklandi, nomoddiy merosimizga e’tibor qaratildi. Buxoro musiqa folklori namunalari ham shu merosning oltin sahifasini tashkil etadi. Chunki uning go‘zal va betakror jarangi, musiqa va kuy uyg‘unligidagi ajib ohanglari xalqimizning tilida mudom yangrab turibdi. Asrlardan asrlarga o‘tib yashab kelayotgan bu san’at turi azaliy va abadiy qadriyatlarimizning sarchashmasi sifatida millatimizning ma’naviy qiyofasini o‘zida aks ettiradi.Shu munosabat bilan Buxoro davlat universitetida 2020-yilning 6-noyabr kuni Buxoro davlat universitetida “Buxoro musiqa folklorining tarixiy- nazariy va amaliy masalalari” mavzusida ilmiy-nazariy hamda amaliy anjumani bo'lib o'tdi. Anjumanni Buxoro davlat universiteti rektori, iqtisodiyot fanlari doktori, professor Obidjon Xafizovich Xamidov ochib berdi. Mazkur anjuman, birinchi navbatda, Buxoro xalqining o‘zligini ko‘rsatishga xizmat qilsa, ikkinchidan, musiqashunoslik ilmi rivoji yo‘lidagi ko‘plab tadqiqotlarga kalit bo‘ladi. Qolaversa, ushbu ma’naviy xazina talaba- yoshlarni milliy-musiqiy merosimiz, bebaho qadriyatlarimiz, ona shahrimizga muhabbat ruhida tarbiyalash uchun muhim vosita bo‘la oladi. Ushbu anjumanda Abdullayev Rustambek Samig‘ovich, O‘zbekiston Davlat konservatoriyasi professori, san’atshunoslik fanlari doktori, “Xalq musiqa ijodi nomoddiy madaniy merosi sifatida” mavzusida, Bozor Safaraliyevich Safaraliyev, Chelyabinsk Davlat madaniyat instituti professori, pedagogika fanlari doktori, К истории организации ремесленных цехов созанда в структуре социально-культурной жизни населения, Rauf Avezov, O‘zbekiston davlat filarmoniyasi Buxoro viloyat bo‘linmasi direktori, Buxoro viloyat ommaviy tomoshalar bosh rejissyori, folklorshunos, “Mavrigi raqslarining an’anaviy ijrosi” mavzusida ma'ruza qildilar. Mavrigi termalaridan “Gulob” qo‘shig‘i ijro etildi: “Mavrigi” ansambli. Raqsda “Buxorcha” ansambl raqossalari. Buxoro davlat universiteti “San’atshunoslik” fakulteti professor-o‘qituvchilari va talabalari ijrosida “Sallabandon marosimi” ijro etildi. O‘lmas Rustamov, Jo‘rabek Qo‘shayev tomonidan “Chorzarb” qo'shig'i ijro etildi, raqsda “Buxorcha” ansambli raqossalari qatnashdilar. Buxoro davlat universiteti Matbuot kotibi Otabek Jalolov