11.01.2022

Buxoro shahar 29-maktabda Buxoro davlat universiteti Xorijiy tillar fakulteti Ingliz tilshunosligi kafedrasi filialining ochilish marosimi bo‘lib o‘tdi.Tadbirda Ingliz tilshunosligi kafedrasi mudiri, dotsent Rasulov Zubaydullo Izomovich va PhD Raxmatova Mexriniso Muxsinovna 29-maktab direktori Ravshanova Gulchexra Muxammedovnalar nutq so‘zlab, hamkorlikning keyingi bosqichlari haqida aytib o‘tishdi.“Inson kapitali indeksida ta’lim sifati muhim ko‘rsatkichlardandir. Pandemiya davrida xalq ta’limida ta’lim sifati va muddati ko‘rsatkichlari mutanosibligi albatta tushishi mumkin. Lekin bizning maqsadimiz yosh avlodni kelajakda XXI asr talablariga mos tarbiyalab, ularning kelajak kasblariga tayyorlash, yaqin kelajakda ish bilan ta’minlanishi va daromadini oshirishga erishish uchun sa’y harakatimizdir” – filologiya fanlari falsafa doktori, ingliz tilshunosligi kafedrasi katta o‘qituvchisi M.M. Raxmatova so‘zlari bilan yakunlangan tadbir muhim mavzuga bag‘ishlandi.Buxoro davlat universiteti Xorijiy tillar fakulteti Ingliz tilshunosligi kafedrasi VXTB bilan hamkorligi natijasida maktablarda ingliz tili o‘qitilishiga katta e’tibor berib kelmoqda. Tadbirda Ingliz tilshunosligi kafedrasining filiali 29 maktabda ochilishi nishonlandi va hamkorlik shartnomasi imzolandi.