11.01.2022

Xabaringiz bor, 2020-yil bitiruvchilari karantin choralari sababli, o‘z bakalavr diplomlarining elektron nusxalarini o‘z vaqtida qabul qilib olishgan edi. Ayni paytda esa, ular 4 yillik mehnatlarining yakuniy natijasi sifatida o‘z diplomlarining asl nusxalarini ham olishmoqda.Bugun ulardan ikki nafari – Iqtisodiyot va turizm fakulteti bitiruvchilari Dildora Saidova hamda Nasiba Akramovalar uchun ham quvonchli kun bo‘ldi. Diplomlarini olishgan bitiruvchilar quvonchlarini ularga kasb sirlarini o‘rgatgan, o‘z bilimini ayamagan ustozlari bilan baham ko‘rishdi. “Universitetda o‘tgan damlarimiz har doim esimizda qoladi, chunki talabalik davri haqiqatdan ham hayotning oltin davridir. Bizga dars o‘tgan, yo‘l-yo‘riq ko‘rsatgan barcha ustozlarimizdan doimo minnatdormiz!” deb fikr bildirgan bitiruvchilarga universitet jamoasi nomidan kasb hayotlarida muvaffaqiyatlar tilab qolamiz.BuxDU Matbuot xizmati