11.01.2022

So‘nggi yillarda mamlakatda ta’lim-tarbiya tizimining sifati va samaradorligini oshirish, bog‘cha tarbiyalanuvchilari, o‘quvchi va talaba yoshlarda zamonaviy bilim va ko‘nikmalarni shakllantirish, ta’lim tizimlari hamda ilm-fan sohasi o‘rtasida yaqin hamkorlik va integratsiyani, ta’limning uzviyligi va uzluksizligini ta’minlash borasida tizimli ishlar amalga oshirilmoqda.Shu bilan birga, milliy ta’lim-tarbiya tizimining amaldagi holati uni zamon talablari asosida modernizatsiya qilish, yoshlarni yuksak bilim-ma’rifat egalari, jismoniy va ma’naviy sog‘lom insonlar etib tarbiyalash, ta’lim muassasalarining rahbar va pedagog xodimlari nufuzini oshirish, ularning samarali faoliyat yuritishi uchun zarur shart-sharoitlar yaratish bo‘yicha izchil chora-tadbirlarni amalga oshirishni talab etmoqda.Shu munosabat bilan 2020-yilning 25-noyabr kuni Buxoro davlat universiteti rektori, iqtisodiyot fanlari doktori, professor Obidjon Xamidov maktablarning milliy reytingdagi ko`rsatkichlarini yaxshilashda ta`lim muassasalariga ko`maklashish hamda umumiy ta`lim maktablarida ta`lim sifati, o`qituvchilarning kasbiy mahoratini oshirish va metodik qo`llab-quvvatlash maqsadida Jondor tumanining 17, 18, 42-sonli, Romitan tumanining 28-sonli maktablariga tashrif buyurdi.Tashrif chog’ida universitet rektori, BuxDU o’quv ishlari bo`yicha prorektori M.I.Daminov, tuman Xalq ta`limi bo`limi boshliqlari bilan birgalikda maktablarni o‘quv-uslubiy, ma’naviy-ma’rifiy va ilmiy-pedagogik jabhalardan o’rganishdi. Dastlab har bir maktabning 11 sinf bitiruvchilari bilan suhbatlar o`tkazib ularning qiynab kelayotgan muammolari to’g’risida ma`lumot olindi, shuningdek kelgusidagi rejalari, oliy ta`lim muassasalariga ta`lim olish istaklari bilan qiziqdilar. BuxDU rektori Obidjon Xamidov har bir maktab o’qituvchilari hamda rahbariyati bilan alohida uchrashib O‘zbekiston Respublikasi Prezidentining 2020 yil 6 noyabrdagi “O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari to‘g‘risida”gi PF-6108-farmon asosida maktablarda qanday ishlar amalga oshirilayotganligi bilan qiziqdi. Universitet xususiyati va kafedralar salohiyatidan kelib chiqib, professor-o‘qituvchilar tomonidan maktabda faoliyat yuritayotgan fan o‘qituvchilarining malakasini oshirish va sifat tarkibini yaxshilashga ko‘maklashish aytib o`tildi.Shuningdek, tashriflar davomida universitet rektori ta’lim muassasalarining o‘quv laboratoriya sinflari, kutubxona, informatika, kasbga yo‘naltirish o‘quv xonalarining moddiy-texnika bazasi holati bilan yaqindan tanishdilar. Maktablar internet tarmoqqa ulanganligi, maktab kutubxonalari adabiyotlari yangilanganligi, maktab hojatxonalari sanitar-epidemiologik qoidalariga rioya etilishi yuzasidan o`rganildi.  Maktab o‘quvchilari bilan bo‘lib o‘tgan davra suhbatlari davomida iqtidorli yoshlarni oliy ta’limga yo‘naltirish, ularning qiziqishlarini to‘g‘ri baholagan holda har tomonlama qo‘llab-quvvatlash borasida ma’lumotlar berib o’tdilar.BuxDU Matbuot xizmati