11.01.2022

2020-yilning 20-noyabr kuni Buxoro shahar "Yoshlik" MFYda "Yangi O'zbekiston - yangicha dunyoqarash" mavzusida ma'naviy-ma'rifiy tadbir bo'lib o'tdi. Tadbirda Buxoro shahar hokimligi rahbariyati va ishchi-xodimlari, BuxDU rahbariyati va BuxDU prorektori M.I.Daminov, Nemis va fransuz tillari kafedrasi mudiri D.H.Karimova va kafedra  o‘qituvchilari Ro‘ziev Ya.B., Xayotova.D.Z., Ikromova.L.B  va  Abulxayrov.D.P. Buxoro shahridagi Yoshlik MFY raisi va faollari, Yoshlik MFY aholisi qatnashdilar.Tadbirni Buxoro davlat universiteti prorektori  M.I.Daminov  kirish so‘zi bilan ochib berdi.  M.I.Daminov yig‘ilganlarga "Yangi O‘zbekiston – yangicha dunyoqarash” tushunchasining mohiyati haqida gapirib berdi. Mamlakatimiz aholisi uchun hukumatimiz tomonidan yaratilib berilayotgan keng imkoniyatlar haqida gapirib, o‘z fikrlarini dalillar bilan isbotlab berdi. M.I. Daminov bugun respublikamiz bo‘yicha barcha hududlarda “YANGI O‘ZBEKISTON – YANGICHA DUNYOQARASH”  shiori ostida o‘tkazilayotgan tadbirlar aholi orasida iliq kutib olinayotganligini alohida ta’kidladi.Keyingi navbatni Buxoro estrada qo‘shiqchisi Rustam Hamidovga berildi. O‘zining go‘zal qo‘shiqlari bilan davrdagi onaxonlarni xursand qildi.Shundan so‘ng so‘z navbatini 5 karra Jahon chempioni bo‘lgan Latipova Nozaninxonga berildi. Nozanin -“Shunday yurtda yashayotganimdan faxrlanaman, chunki biz yoshlarga barcha sohada sharoitlar yaratilgan va bundan foydalanish esa bizni qo‘limizda. Men shunday imkoniyatdan foydalangan holda 5 karra jahon chempioni bo‘ldim”. –deya o‘z taassurotini bo‘lishdi.BuxDU professori Sh. Ahmedovaga so‘z berildi. Sh.Ahmedova o‘z nutqida Jonajon-O‘zbekistonimiz, serquyosh o‘lkamizning nega bunday atalishini o‘z hayoti davomida guvoh bo‘lganligi, va shunday muqaddas maskanimizda yashayotganligidan mag‘rurlanishini  so‘zlab berdi.Keyingi so‘z navbati  BuxDU dotsenti O.Rashidovga berildi. O.Rashidov “Tarix, bugun va kelajak” mavzusida nutq so‘zladi. Yurtimizda bo‘layotgan o‘zgarishlar haqida iliq fikrlarni bildirib o‘tdi. Hozirgi zamonda mehnat qilish, bilim olishning o‘zi katta bir baxt ekanligini ta’kidladi. Bugun aholining barcha qatlamlari uchun yaratib berilayotgan imkoniyatlardan xalqimiz juda mamnun ekanligini aytib o‘tdi.Shundan so‘ng yana musiqiy chiqishlarga navbat berildi. Estrada xonandasi R. Hamidov  o‘z qo’shiqlari bilan tadbir ishtirokchilariga yuqori kayfiyat baxsh etdi. Tadbir ishtirokchilari va mehmonlarining sho‘x raqslari bilan davom etdi.Tadbir davomida BuxDU professori Sh. Ahmedova o‘z kitoblarini namoyish etib va 6 nusxasini  31-maktab kutobxonasiga sovg‘a kildi. Tadbir ishtirokchilar va mehmonlarning sho‘x raqslari bilan davom etdi.BuxDU o‘kituvchilari aholi o‘rtasida viktorina o‘tkazishdi. Savolga to‘g‘ri javob bergan tadbir ishtirokchilarga kitoblar sovg‘a kilishdi. Ishtirokchilar juda xursand bo‘lishdi va viktorinada faol katnashdilar. Tadbir davomida sportga qiziqadigan va sport bilan muntazam shug‘ullanadigan yoshlar  va 31- maktabning iqtidorli doirachi o‘quvchilari o‘z san’at mahoratlarini namoyish qilishdi.Buxoro shahridagi Yoshlik MFYga qarashli 31-maktabda “Yangi O‘zbekiston – yangicha dunyoqarash” shiori ostida o‘tkazilgan tadbir juda ko‘tarinki ruhda bo‘lib o‘tdi.