11.01.2022

O‘zbekiston Respublikasi Prezidenti Administratsiyasining 2020 yil 27 oktyabrdagi "Mamlakatimizda amalga oshirilayotgan islohotlarning mazmun mohiyati va ahamiyatini keng jamoatchilikka “mahallabay” yetkazishni tashkil etish chora-tadbirlari to‘g‘risida"gi 02-3041-sonli yig‘ilishi bayoni ijrosini taʼminlash maqsadida respublikamiz bo‘ylab targ‘ibot tadbirlari o‘tkazilmoqda. Unda "Yangi O‘zbekiston - yangicha dunyoqarash" targ‘ibot-tashviqot tadbirlarini yuqori saviyada tashkil etish bo‘yicha joylarga chiqqan holda aholini yurtimizda va dunyoda bo‘layotgan siyosiy, ijtimoiy-iqtisodiy vaziyatdan xabardor qilish, keng qamrovli islohotlarning mazmun-mohiyati va ahamiyatini jamoatchilikka taʼsirchan usullarda yetkazish, aholining kayfiyatini ko‘tarish, ularda islohotlarga dahldorlik tuyg‘usini mustahkamlash, mehr-oqibat, shukronalik, o‘zaro yordam kabi milliy va umuminsoniy qadriyatlarni yana-da kuchaytirishga qaratilgan madaniy-maʼrifiy tadbirlarni tashkil etish asosiy maqsad qilingan.Ushbu tadbir doirasida joriy yilning 19 noyabr kuni Buxoro davlat universitetining bir guruh professor-o‘qituvchilari, shu jumladan xalqaro hamkorlik bo‘yicha prorektor Jo‘rayev Abror Turobovich, “Psixologiya” kafedrasi dotsentlari, psixologiya fanlari nomzodi Jumayev Ulug‘bek Sattorovich va Olimov Laziz Yarashevichlar Peshko‘ tumanidagi “Bog‘imuso” va “Obidxo‘ja” mahalla fuqarolar yig‘ini hududidagi 3- va 23-maktablarda o‘zlarining maʼruzalari bilan ishtirok etdilar. Dastavval “Bog‘imuso” MFY hududidagi tadbirda Peshko‘ tumani sektor rahbarlari va jamoatchilik vakillari, ziyoli va sanʼatkorlar, qo‘g‘irchoq teatri aktyorlari ishtirok etib hammani xushnud etdi. "Yangi O‘zbekiston - yangicha dunyoqarash” shiori ostida maʼnaviy - maʼrifiy tadbirlarida O‘zbekiston Respublikasi Prezidenti tomonidan qabul qilingan 5 ta tashabbus doirasidagi maʼnaviy-maʼrifiy, madaniy, sport tadbirlari va ommaviy tadbirlar ham tashkil etildi hamda maktab o‘quvchilari tomonidan tashkil qilingan “Bolalar qo‘g‘irchoq teatri”, “Raqs to‘garagi”, “Sheʼrxonlik to‘garagi” chiqishlari tomosha qilinib tomoshabinlar ko‘nglini xushnud aylashdi. Buxoro davlat universitetidan tashrif buyurgan prorektor A.T.Jo‘rayev va psixologlar U.S.Jumayev va L.Ya.Olimovlarning motivatsion maʼruzalari barchaga ko‘taringki kayfiyat bag‘ishladi. Maktabning ko‘p yillik mehnat faoliyati va malakasiga ega direktori To‘yqulov Qobil Salimovichning tadbir ishtirokchilarini tabriklab, shu munosabat bilan futbol bo‘yicha viloyatda o‘tkazilgan turnirda g‘oliblikni qo‘lga kiritgan 7-sinf o‘quvchisi Safarov Asilbek Samandar o‘g‘lini tadbir ishtirokchilari oldida tabriklashi hammani yana bir xursand qildi. O‘tkazilayotgan tadbirlarda asosan pandemiya davrida davlatimiz tomonidan aholini ijtimoiy qo‘llab-quvvatlash, bunda birinchi navbatda ehtiyojmand qatlam vakillariga katta eʼtibor qaratish maqsadida “Temir daftar” hamda yoshlar va ayollarning bandligini taʼminlash maqsadida “Ayollar daftari” va “Yoshlar daftari”ni shakllantirish yo‘lga qo‘yilganligi va mazkur islohotlar mazmun-mohiyatini aholiga yetkazish, uning har bir kishi hayoti, farzandlari kelajagiga taʼsirini tushuntirish ishlari olib borildi.Shundan so‘ng tumanning boshqa hududi “Obidxo‘ja” mahalla fuqarolar yig‘ini hududidagi 23-maktabda o‘tkazilayotgan tadbirda ishtirokchilar bino oldida tashkil etilgan musiqiy chiqishlar va yosh ijodkorlarning sanʼat namunalaridan bahramand bo‘lishdi. Unda tuman hokimi Nazarov Amrillo Ibragimovich hamda tuman IIB boshlig‘i, podpolkovnik N.H.Boltayev, XTB boshlig‘i Erkin Xo‘jayevlar ishtirok etib, tadbirni tuman hokimi ochib berdi. Maktab binosi ichida o‘quvchi yoshlar ishtirokida 5 tashabbusda ko‘zda tutilgan sport o‘yinlari, kasb-hunar to‘garagini rahbari va aʼzolari tomonidan tayyorlangan hunarmandchilik namunalarini ko‘rgazmasi bo‘lib o‘tdi. Mazkur tadbir pandemiya davrida davlatimiz tomonidan aholini ijtimoiy qo‘llab-quvvatlash, birinchi navbatda, ehtiyojmand qatlam vakillariga katta eʼtibor qaratish, shuningdek, islohotlar mazmun-mohiyatini aholiga yetkazish, uning har bir kishi hayoti, farzandlari kelajagiga taʼsirini tushuntirish maqsadidagi qamrovi bilan alohida ahamiyatli bo‘ldi. Buxoro davlat universiteti prorektori A.T.Jo‘rayev, Buxoro viloyat xalq taʼlimi xodimlarini qayta tayyorlash va ularni malakasini oshirish hududiy markazi “Ijtimoiy iqtisodiy fanlar metodikasi” kafedrasi mudiri, tarix fanlari nomzodi, dotsent Haydarov Yo‘ldosh Hazratovich va shu kafedraning katta o‘qituvchisi Jumaqulov Najmiddin Ibragimovichlar tomonidan tadbir ishtirokchilari bilan dildan qilingan muloqotlari barchaga ko‘tarinki kayfiyat baxsh etdi. Shuningdek tadbirda “Obidxo‘ja” MFY raisi tuman kengashi deputati Rashid Qurbonov o‘z maʼruzalari bilan ishtirok etarkan, yurtimizdagi taraqqiyot va yuksalish haqida so‘zlab “Uchinchi Renessans” tushunchasi haqida fikr yuritishlari bugun mahallalarda ertangi kunni davlatimizni taraqqiyot yo‘li va rivojlanish modelini his etadigan darajadagi oqsoqollari borligi hammada yana bir bor ishonch hissini uyg‘otdi. 23-maktab direktori Rahimova Nozigul Ikromovna esa vatanimizda o‘tkazilayotgan islohotlarning kelajakda xalq turmush tarzining yuksalishi, jamiyat faravonligi uchun ahamiyati va o‘quvchi yoshlar tarbiyasini yana-da zamonaviy talablarga mos qilib tashkil qilish xizmat qilishini eʼtirofiga bag‘ishlangan maʼruzalari bilan barchada yuksak mamnuniyat hisiini uyg‘otdi.Tadbir doirasida maktabning madaniyat saroyida “Yangi O‘zbekiston - yangicha dunyoqarash” g‘oyasi ila sug‘orilgan teatr tomoshalari, sheʼrlar, kuy va qo‘shiqlar ijro etildi. Binoning qishki sport zalida yosh sportchilarning turli ko‘rgazmali chiqishlari ham namoyish etildi. Shuningdek, sanʼatkorlar, bolalar musiqa va sanʼat maktabi o‘quvchilarining sahnaviy chiqishlari, kuy-qo‘shiqlari, Vatan va tinchlik, tinch-osuda, obod hayotni tarannum etilgan sheʼrlari yig‘ilganlarga aʼlo kayfiyat ulashdi. BuxDU “Psixologiya” kafedrasi dotsenti, psixologiya fanlari nomzodi Jumayev Ulug‘bek Sattorovich