11.01.2022

BuxDU va Fransiyaning Vatel instituti bilan hamkorlikda tashkil etilgan Xalqaro mehmonxona menejmenti yo’nalishida tahsil oluvchi talabalarda ilmiy-amaliy ko’nikmalarini shakllantirish va rivojlantirish, O‘zbekistonda mavjud turizm salohiyati va resurslari bilan tanishtirish maqsadida Qo’shma ta’lim dasturlarini muvofiqlashtirish bo’limi va “ARK travel” turoperatorlik kompaniyasi tomonidan ushbu yo‘nalish talabalari uchun joriy yilning  21-22 noyabr kunlari Xiva shahriga sayohati tashkillashtirildi.Ushbu madaniy safarning asosiy maqsadi talabalarda sayohat qilish, sayohatni boshqarishning o’ziga xos xususiyatlarini anglashdan iborat bo’lib, talabalar ushbu masalalarni amaliy jarayonlarda ko’rib o’rgandilar. Xiva shahrida joylashgan mehmonxonalar, ularning turlari tahlil qilindi va BEK XIVA mehmonxonasida mavjud ovqatlanish, reception, xonalarda xizmatlari, yordamchi bo’limlar, ozoda likni ta’minlash, bronlash, narxlar, marketing bo’limi, transport xizmati va qo’shimcha xizmatlar bilan tanishildi.Safar davomida butun dunyoga mashhur va ma’lim, UNESCO tomonidan 1990 yilda Jahon madaniy markazlaridan biri sifatida tan olingan Ichan Qal’a ga tashrif amalga oshirilib, talabalar tomonidan uning tarixi, tarixiy markazda tashkil etilgan xizmatlar, gid xizmati va uning tashkil etilishi, madaniy obyektlar va ularning restovratsiyasi, saqlanishi bilan bog’liq bilimlarni o’zlashtirdilar. Shuningdek, har bir talaba o’qituvchilar tomonidan belgilab berilgan alohida topshiriqlar asosida talabalarning mustaqil holda tashkil etilgan ko’ngilochar, ilmiy, amaliy topshiriqlarini ko’rib chiqib, yo’l qo’yilgan kamchiliklar va yutuqlar bo’yicha o’z maslahatlarni ulashdilar. Ushbu sayohatlarni tashkil etish talabalarda amaliy ko’nikmalarni rivojlantirish bilan bir qatorda, universitetda ta’lim sifati oshishiga va talabalarning kelajakda yetuk mutaxassis bo’lib yetishishlari uchun muhim omil bo’lib xizmat qiladi.BuxDU Matbuot xizmati