11.01.2022

Shu yil 11-noyabr kuni Peru davlati markazligida sportning ogʻir atletika turi boʻyicha oʻsmirlar oʻrtasida onlayn Jahon kubogi musobaqalari start olgandi.Unda jahonning 61ta davlatidan jami 399 nafar yosh atlet gʻoliblik uchun supachaga chiqishadi. Nufuzli musobaqada Oʻzbekiston sharafini 7 nafar atletimiz himoya qilishi rejalashtirilgan.Bugun tunda qizlar oʻrtasida -55 kg vazn toifasidagi bahslarda ishtirok etgan terma jamoamiz aʼzosi, Buxoro davlat universiteti Iqtisodiyot va turizm fakulteti 1-kurs talabasi Nigora Abdullayeva onlayn Jahon kubogida oltin medalga sazovor boʻldi. U dast koʻtarish mashqida 84 kilo, siltab koʻtarishda esa 104 kilo, ikki kurashda 188 kilo natija bilan shohsupaning eng yuqori pogʻonasidan joy oldi.Filippinlik Rosej Ramos esa ikki kurashda 176 kilo (78-98) natija qayd etdi va kumush medalni qoʻlga kiritgan boʻlsa, mezbon sportchi Viktoriya Batron umumiy 172 kilo (73-99) natija bilan kuchli uchlikka yakun yasab berdi.Buxoro davlat universiteti jamoasi Nigora Abdullayeva erishgan ulkan yutuqlari bilan muborakbod etadi.BuxDU Matbuot xizmati