Hozirgi pandemiya davrida jamiyatimizda sog‘lom turmush tarzini qaror toptirish davlat siyosati darajasiga ko‘tarilib, ayni vaqtda, mamlakatimizda yetuk sog‘lom avlodni tarbiyalash borasidagi tub islohotlar bosqichma-bosqich amalga oshirilib kelinmoqda. Sport bilan shug‘ullanish nafaqat jismoniy holatni yaxshilaydi, balki miya uchun ham foydali, reaksiyani tezlashtiradi hamda tez qarorlar qabul qilish qobiliyatini oshiradi.Eng oddiy narsalar xodimlarni yaxshi ishlashga undaydi, ulardan biri bu sportdir. Bizning kunlarimizda sport bilan shug‘ullanish ommaviy va qulay bo‘lib kelmoqda. Sog‘lom turmush tarzini qo‘llab-quvvatlash ancha dolzarb – bu xodimlarning ahvoli va kayfiyati chog‘ligi, demak, ularning ish joyidagi yuqori samaradorlik garovi.Xodimlar ishtirokida turli xil musobaqalarni tashkil qilish murakkab emas. Bu chempionatlar qanday turda bo‘lishining ahamiyati yo‘q, baribir ularning barchasi jamoa kayfiyatini shakllantirish va mustahkamlash hamda jamoada ichki muhitni yaxshilash uchun foydali. Korporativ sport musobaqalari mehnat sifatiga ta’sir etadigan kayfiyat yoki hatto ishdan tashqaridagi muammolardan ham chalg‘ishga yordam beradi.Ishdan tashqari vaqtda jamoa oldida unga yangi qirralari ochilishi uchun imkoniyat berishlari xodimlarni quvontiradi. Shuningdek sport tadbirlari mobaynida jamoa ishtirokchilarining barcha bosqichlarda o‘zaro harakat qilish ko‘nikmalari shakllanadi hamda yangi xodimlar ish joyiga tezroq moslashishlariga yordam beradi.Sport bilan shug‘ullanishdan foyda psixologik salomatlikda namoyon bo‘ladi, o‘rtamiyona jismoniy yuklamalar zararli odatlarni tark etishga, xarakterni chiniqtirishga, uyqusizlikdan, stress va hattoki depressiyadan xalos bo‘lishga yordam beradi. Shuningdek u ruhiy kuchni, chidamlilikni va natijaga yo‘nalganlikni chiniqtirishga o‘rgatadi. Ya’ni sport zali tashqarisida ham qobiliyatlarimizga ijobiy ta’sir ko‘rsatadi.Buxoro davlat universiteti Axborot texnologiyalari kafedrasi katta o‘qituvchisi Ismoilova M.N. tashabbusi bilan kafedra ayol professor-o'qituvchilar o'rtasida sportning shaxmat, voleybol, qisqa masofaga yugurish, qiziqarli estafeta musobaqalari кabi turlaridan xotin-qizlar sport musobaqalari o'tkazildi. Musobaqalar yakunida har bir sport turi bo‘yicha faol qatnashib, yuqori natijalarni qo'lga kiritgan professor-o'qituvchilar Buxoro davlat universiteti "Talaba" sport klubi tomonidan taqdirlandi, bunda fakultetlararo jismoniy madaniyat va sport kafedarsi katta o‘qituvchisi Do'stov Baxtiyor Akmalovich, katta o‘qituvchi Hasanov Rustam Adizovich va o‘qituvchi Fayziyev Yaxshi Ziyoyevich tadbirga o'zlarining katta hissalarini qo'shib, nominatsiyalar bo'yicha musobaqa g'oliblarini aniqlashda yaqindan yordam berishdi.
