11.01.2022

Yoshlarning ijtimoiy faolligini oshirish, navqiron avlodni har tomonlama barkamol insonlar etib tarbiyalash, vatanparvar va milliy qadriyatlarimizga hurmat ruhida ulg‘aytirish borasida O‘zbekiston yoshlar ittifoqi zimmasiga katta vazifalar yuklatilgan. Bunda ushbu tuzilmaning quyi tizimlari, jumladan, oliy o‘quv yurtlaridagi boshlang‘ich tashkilot yetakchilaridan katta mas’uliyat talab etiladi.Prezidentimizning joriy yil 5-iyuldagi “Yoshlarga oid davlat siyosati samaradorligini oshirish va O‘zbekiston yoshlar ittifoqi faoliyatini qo‘llab-quvvatlash to‘g‘risida”gi farmoni va 18-iyuldagi “Yoshlar ittifoqi faoliyatini takomillashtirishga oid kompleks chora-tadbirlar to‘g‘risida”gi qaroriga muvofiq, oliy ta’lim muassasalarida yoshlar manfaatlarining haqiqiy himoyachisi bo‘lishga erishish, ta’lim sifatini yuksaltirishga doir jarayonni o‘rganish hamda muassasada jamoatchilik nazoratini o‘rnatishga alohida e’tibor qaratilmoqda.Shu munosabat bilan 2020-yilning 27-oktabr kuni Buxoro davlat universitetida prorektorlar, fakultet dekanlari, bo'lim boshliqlari, kafedra mudirlari ishtirokida universiteti Yoshlar Ittifoqi yetakchisi sayloviga nomzodlar bilan uchrashuv bo'lib o'tdi. Ushbu uchrashuvda nomzodlar o'z saylovoldi dasturlari bilan tanishtirdilar.